კიტაი
კიტაი (უკრ. Китай) — ჭალა-ლიმანის ტიპის ტბა უკრაინაში, ოდესის ოლქის იზმაილისა და კილიის რაიონებში. მდებარეობს მდინარე დუნაის ქვემოწელში, ზღვის დონიდან 1 მ სიმაღლეზე. ზედაპირის ფართობი 60 კმ², მაქსიმალური სიღრმე 5 მ.[1] ქვაბული წაგრძელებული ფორმისაა, რომელიც ჩრდილოეთიდან სამხრეთისაკენ გადაჭიმულია 24 კმ-ზე. შედგება ჩრდილო და სამხრეთ ნაწილისაგან, რომლებიც დაახლოებით 600 მ სიგანის სრუტითაა შეერთებული, რომელზედაც ხიდია აღმართული. წყალსატევის ცენტრალური ნაწილის ფსკერი დაფარულია ნაცრისფერი ლამით. ერთვის მდინარეები: ენიკოი, კირგიჟ-კიტაი და ალიიაგა. ზამთარში იყინება. ტბის წყალი გამოიყენება სარწყავად. მდიდარია თევზით.
| კიტაი | |
|---|---|
 ტბა კიტაი | |
| კოორდინატები: 45°36′57″ ჩ. გ. 29°12′21″ ა. გ. / 45.61583° ჩ. გ. 29.20583° ა. გ. | |
| მდებარეობა |  უკრაინა
|
| სიმაღლე ზღვის დონიდან | 1 მ |
| სიგრძე | 24 კმ |
| სიგანე | 3,7 კმ |
| ფართობი | 60 კმ² |
| მაქსიმალური სიღრმე | 5 მ |
| მარილიანობა | 3 ‰ |
| ჩამდინარე მდინარეები | ენიკოი კირგიჟ-კიტაი ალიიაგა |
  | |