კენზო (მოდის სახლი)

კენზო (ინგლ. Kenzo) — ტანსაცმელების, ფეხსაცმელების, პარფიუმერიის და სხვა „ლუქსის“ კატეგორიის პროდუქციის ფრანგული ბრენდი.

შეიქმნა	1970
ტიპი	სავაჭრო ნიშანი, fashion house, ბიზნესი, luxury good, fashion label და brick and mortar
ატარებს სახელს	Kenzō Takada
დამფუძნებელი (-ები)	Kenzō Takada
ქვეყანა	საფრანგეთი
https://www.kenzo.com

მოდის სახლი დააარსა იაპონელმა დიზაინერმა კენზო ტაკადამ 1970 წელს სახელწოდებით „Jungle Jap“, 1980 წელს ბრენდმა მიიღო დამაარსებლის სახელი — „კენზო“.

იაპონიაში დაბადებული კენზო ტაკადა პარიზში გადავიდა 1964 წელს, მოდის სამყაროში კარიერის დასაწყებად. იგი იაპონურ შტრიხებს ოსტატურად უხამებდა ევროპული მაღალი მოდის კანონებს. ჯუნგლების თემატიკა მისი შთაგონების წყარო იყო და ხშირად იყენებდა. თავდაპირველად კენზოს შემუშავებული დიზაინით გამოდიოდა ქალის ტანსაცმელი, რომელიც ხელით მზადდებოდა. 1983 წლიდან კინზომ დაიწყო ჯერ მამაკაცის, შემდეგ საბავშვო ტანსაცმლის გამოშვება. მის ცნობილ მაისურს ვეფხვით და ბრენდის სხვა ნაწარმს ატარებდნენ მსოფლიოში ცნობილი მომღერლები და მსახიობები: ბიონსე, რიანა, სპაიკ ჯოუნზი, სელენა გომესი, ზოუი დეშანელი, ლორდი და სხვ. 1987 წელს კენზომ დაიწყო პროდუქციის გამოშვება ინტერიერის დეკორისთვის.

1993 წელს „კენზო“ შეისყიდა „ლუის ვიტონმა“ (LVMH) და წარმოადგენს მის შვილობილ კომპანიას.

კენზოს ფეხსაცმლის ანიმაცია

თანამშრომლობა

2016 წელს „კენზომ“ გამოაცხადა თანამშრომლობა H&M-თან. მათი ერთობლივი კოლექცია გამოვიდა 2016 წლის 3 ნოემბერს. მოდის სახლი თანამშრომლობს ასევე პოლონურ ბრენდ Inglot Cosmetics-თან, რომელიც აწარმოებს პროდუქციას მაკიაჟისთვის და ითვლება ერთ-ერთ წარმატებულ კომპანიად თავის სფეროში.

2018 წლის 21 მარტს „კენზომ“ ბრიტნი სპირსი თავისი ახალი კამპანიის „La Collection Memento No. 2“-ს სახედ გამოაცხადა.

ბრენდის დიზაინერები

• კენზო ტაკადა — 1970-2000 წწ.
• ჟილ როზიერი — 2000-2004 წწ.
• ანტონიო მარასი — 2004-2011 წწ.
• უმბერტო ლეონი და კეროლ ლიმი — 2012-2019 წწ.
• ფილიპე ოლივერა ბაპტისტა — 2019-2021 წწ.
• ნიგო — 2021 წლიდან

რესურსები ინტერნეტში

• ოფიციალური ვებ-გვერდი
• https://www.lvmh.com/news-documents/
• https://www.thecut.com/runway/