კარეტის ხიდი
კარეტის ხიდი (რუს. Каретный мост) — საფეხმავლო და საავტომობილო ხიდი შემოვლით არხზე, სანქტ-პეტერბურგში, ცენტრალურ და ფრუნზეს რაიონში. ერთმანეთთან აკავშირებს უსახელო კუნძულსა და შემოვლითი არხის მარცხენა სანაპიროს. ხიდის სიგრძეა 45,1 მეტრი, ხოლო სიგანე — 32,1 მეტრი.
| კარეტის ხიდი რუს. Каретный мост | |
|---|---|
 საერთო ხედი | |
| კოორდინატები: 59°54′51″ ჩ. გ. 30°21′35″ ა. გ. / 59.91417° ჩ. გ. 30.35972° ა. გ. | |
| ქვეყანა |  რუსეთი
|
| ადგილმდებარეობა | სანქტ-პეტერბურგი |
| გამოყენების სფერო | საფეხმავლო, საავტომობილო |
| გადებულია | შემოვლითი არხი |
| სიგრძე | 45,1 მ |
| სიგანე | 32,1 მ |
| გზის ხაზების რაოდენობა | 4 |
| გახსნის თარიღი | 2009 წ. |
| რეკონსტრუქცია | 2011 წ. |
  | |
 | |
 სურათები ვიკისაწყობში
| |
მდებარეობა
რედაქტირებამდებარეობს დნეპროპეტროვსკის ქუჩის დასაწყისში. ხიდთან ახლოს მდებარეობს სანქტ-პეტერბურგის ავტოსადგური.
დინების ზემო მიმართულებით მდებარეობს ამერიკული ხიდი, ხოლო ქვემოთ — პრედტეჩენის ხიდი.
უახლოესი მეტროს სადგურია „შემოვლითი არხი“.
სახელწოდება
რედაქტირებახიდის საპროექტო სახელწოდება იყო დნეპროპეტროვსკის ხიდი, რომელიც მოდიოდა დნეპროპეტროვსკის ქუჩიდან, მაგრამ სანქტ-პეტერბურგის ტოპონიმიკურმა კომისიამ ვარიანტი „დნეპროპეტროვსკი“ არასაინტერესოდ მიიჩნია და წინადადება წამოაყენა ეწოდებინათ კარეტის ხიდი, აქ, XIX საუკუნეში განთავსებული ისტორიული რაიონის მიხედვით[1]. 2012 წლის 27 ივლისიდან სახელწოდება ოფიციალურად მიენიჭა[2].
ისტორია
რედაქტირებახიდი შენდებოდა 2009-2011 წლებში ამერიკული ხიდის რეკონსტრუქციისა და შემოვლითი არხის სამხრეთი სანაპიროს სატრანსპორტო მაგისტრალის მშენებლობის პროექტის ფარგლებში. ხიდის მშენებლობის დამკვეთი იყო სანქტ-პეტერბურგის კეთილმოწყობისა და ხიდების მეურნეობის კომიტეტის ადმინისტრაცია. ხიდის პროექტი შეიმუშავეს „ინჟტექნოლოგიის“ ინსტიტუტში (პროექტის მთავარი ინჟინერი — ე. ა. სამუსევა)[3]. სამუშაო დოკუმენტაცია მოამზადა „მშენებელპროექტის“ ინსტიტუტმა (ინჟინერი ტ. ი. გურევიჩი). ხიდის საზეიმო გახსნა გაიმართა 2011 წლის 21 ნოემბერს[4].
კონსტრუქცია
რედაქტირებახიდი ერთმალიანია, მისი სიგრძეა 45,1 მ, ხოლო სიგანე – 32,1 მეტრი (აქედან სავალი ნაწილის სიგანეა 23 მეტრი და ორი ტროტუარისა 1,5-1,5 მეტრი).
ხიდი გამოიყენება ავტოტრანსპორტისა და ფეხით მოსიარულეებისათვის. სავალი ნაწილი ოთხი ზოლისაგან შედგება. სავალი ნაწილიც და ტროტუარებიც ასფალტ-ბეტონითაა მოპირკეთებული. ტროტუარები სავალი ნაწილისაგან გამოყოფილია მაღალი მეტალის პარაპეტებით.
ლიტერატურა
რედაქტირება- ЗАО «Институт «Стройпроект». История в проектах, 1990—2010. — 2010. — 116 с. — 1500 экз.
რესურსები ინტერნეტში
რედაქტირება- Каретный мост //СПб ГБУ «Мостотрест»
სქოლიო
რედაქტირება- ↑ Новый мост через Обводный канал в Петербурге назовут Каретным. Канонер (2011-12-26).
- ↑ Постановление Правительства СПб №764 от 27.07.2012 «О присвоении названий безымянным мостам Санкт-Петербурга»
- ↑ На Обводном канале приступают к строительству Днепропетровского моста. Канонер (2009-06-18).
- ↑ Каретный мост//СПб ГБУ «Мостотрест»