კაპიშისტრა

კაპიშისტრა, ხიმსა — მთა საქართველოში, აფხაზეთის ავტონომიურ რესპუბლიკაში, სოხუმის მუნიციპალიტეტში. მდებარეობს ბზიფის ქედის აღმოსავლეთ ნაწილში, მდინარეების ბზიფისა და კელასურის ზემოთის წყალგამყოფზე. სიმაღლე ზღვის დონიდან 3156 მ. აგებულია ზედაიურული პორფორიტული წყებით. აღმოსავლეთი კალთა დამრეცია, დანარჩენი — ციცაბო. ფლატოვანი კალთები შემოსილია სუბალპური და ალპური მდელოებით.

კაპიშისტრა
კოორდინატები: 43°17′08″ ჩ. გ. 41°11′31″ ა. გ.
ქვეყანა	საქართველო
ტერიტორიული ერთეული	სოხუმის მუნიციპალიტეტი
სიმაღლე	3156 მ
ქედი	ბზიფის ქედი

ლიტრერატურა

• მარუაშვილი ლ., კაპიშისტრა // ქართული საბჭოთა ენციკლოპედია, ტ. 5, თბ., 1980. — გვ. 387.