კანიაპისკოს წყალსაცავი

კანიაპისკოს წყალსაცავი
	ფრანგ. Réservoir de Caniapiscau
	კოორდინატები: 54°09′27″ ჩ. გ. 69°50′44″ დ. გ. / 54.15750° ჩ. გ. 69.84556° დ. გ.
ქვეყანა	კანადა
ტერიტორიული ერთეული	კვებეკი
ზღვის დონიდან	535 მ
სიგრძე	420 კმ
სიგანე	135 კმ
ფართობი	4318 კმ²
მოცულობა	34 კმ³
სანაპირო ხაზის სიგრძე	4850 კმ
უდიდესი სიღრმე	49 მ
ჩაედინება	კანიაპისკო
გამოედინება	კანიაპისკო, ლაფორჟი
შევსების წელი	1981–1983
	მედიაფაილები ვიკისაწყობში

კანიაპისკოს წყალსაცავი (ფრანგ. Réservoir de Caniapiscau) — წყალსაცავი მდინარე კანიაპისკოზე, კანადაში, კვებეკში. წყალსაცავი შეიქმნა 1976–83 წლებში. წარმოიქმნა მდინარე კანიაპისკოზე აგებული კაშხლის შედეგად. წყალსაცავის ავსება დაიწყეს 1981 წლის 25 ოქტომბერს, რის შემდეგაც მომდევნო ორი წლის განმავლობაში დაიძირა მრავალრიცხოვანი ტბები, მათ შორის: კანიაპისკო, დელომე, ბრისეი, ტურნონი და ვერმუი. ამჟამად უკავია ლავრენტის მაღლობის მაღალი ნაწილის ქვაბული. მდებარეობს ზღვის დონიდან 535 სიმაღლეზე. ზედაპირის ფართობი 4318 კმ².^[1] სიგრძე 420 კმ, სიგანე 135 კმ, მაქსიმალური სიღრმე 49 მ.^[2] კანიაპისკო სარკის ფართობით მსოფლიოს ერთ-ერთი უდიდესი წყალსაცავია, ხოლო კანადაში სარკის ფართობით მხოლოდ სმოლვუდის წყალსაცავს ჩამორჩება. წყალსაცავი შექმნილია ჯეიმზის ყურის პროექტის განხორციელებისათვის. ამჟამად წარმოდგენილია ორი კაშხლითა და 43 ჯებირით.^[3] ტბების დაძირვის შედეგად წყალსაცავზე მრავალი კუნძული წარმოიქმნა. კანიაპისკოს წყალსაცავი განლაგებულია წყვეტილი მრავალწლოვანი მზრალობის ტერიტორიაზე. გარემომცველი ტერიტორია დაფარულია ხშირი ტაიგით ან ბორეალური ტყით.