სმოლვუდის წყალსაცავი
სმოლვუდის წყალსაცავი (ინგლ. Smallwood Reservoir) — წყალსაცავი მდინარე ჩერჩილზე. განლაგებულია ლაბრადორის ნახევარკუნძულის დასავლეთ ნაწილში, ნიუფაუნდლენდისა და ლაბრადორის პროვინციაში, კანადაში.[1] აშენდა 1966–74 წლებში. ზედაპირის ფართობი 6527 კმ². მსოფლიოში ზედაპირის ფართობით რიგით მეორე წყალსაცავია. მდებარეობს ზღვის დონიდან 471 მ სიმაღლეზე.[2] წყალსაცავი შეიქმნა XX საუკუნის 60–70-იან წლებში როდესაც დაიწყო მდინარე ჩერჩილზე კაშხლების აგება. სხვა წყალსაცავებისგან განსხვავებით, წყალი აქ მოთავსებულია 88 ჯებირში, რომელთა საერთო სიგრძე 64 კმ-ს უდრის.[3] სმოლვუდის აშენებამდე წყალსაცავის ადგილას მდებარეობდა მრავალი ჭაობი და ურთიერთდაკავშირებული ტბა; ამათგან ორი მოზრდილი ტბა მიშიკამო და ლობსტიკი გახდა ამ უზარმაზარი წყალსაცავის ნაწილი და საბოლოოდ შეიქმნა 32,64 კმ³ მოცულობის წყალსატევი. სახელი ეწოდა ჯოზეფ რობერტ სმოლვუდის პატივსაცემად.
| სმოლვუდის წყალსაცავი | |
|---|---|
| ინგლ. Smallwood Reservoir | |
 | |
| კოორდინატები: 54°05′47″ ჩ. გ. 64°00′40″ დ. გ. / 54.09639° ჩ. გ. 64.01111° დ. გ. | |
| ქვეყანა |
 კანადა |
| ტერიტორიული ერთეული | ნიუფაუნდლენდი და ლაბრადორი |
| ზღვის დონიდან | 471 მ |
| ფართობი | 6527 კმ² |
| მოცულობა | 32,64 კმ³ |
| მდინარე | ჩერჩილი |
  | |
 | |
იხილეთ აგრეთვე
რედაქტირებასქოლიო
რედაქტირება- ↑ Canadian Geographic Education | Churchill River. დაარქივებულია ორიგინალიდან — 2020-02-01. ციტირების თარიღი: 2020-07-04.
- ↑ Word Lake Database, International Lake Environment Committee
- ↑ Massive Smallwood Reservoir and Dry Waterfalls