კაკაბეთის ღვთისმშობლის მეორე ეკლესია

კაკაბეთის ღვთისმშობლის ეკლესია — არქიტექტურული ძეგლი საგარეჯოს მუნიციპალიტეტის სოფელ კაკაბეთში. აგებულია XX საუკუნის II ნახევარში, ადგილობრივი მოსახლეობის მიერ. ძველი დანგრეული ეკლესიის ადგილას.

ეკლესია გეგმით ოთხკუთხაა 6,3 მეტრი 5,3 მეტრზე. ნაგებია რიყის ქვით და ბეტონის ბლოკებით. შენობას დასავლეთიდან და სამხრეთიდან აქვს შომოსასვლელები, აღმოსავლეთში კი სარკმელია გაჭრილი. გადახურულია ხის მორებზე დაწყობილი კრამიტით.

ლიტერატურა

• კუპრეიშვილი ბ., საქართველოს ისტორიისა და კულტურის ძეგლთა აღწერილობა, ტ. 1-III, თბ., 2019. — გვ. 115.