კაბო-დე-გატის ბუნების პარკი

კაბო-დე-გატის ბუნების პარკი — ბუნების პარკი სამხრეთ-აღმოსავლეთ ესპანეთში, ქალაქ ალმერიის სიახლოვეს. წარმოადგენს დასავლეთ ხმელთაშუაზღვისპირა ევროპის უდიდეს სახმელეთო-საზღვაო ნაკრძალს. მისი ფართობი 460 კმ²-ია და მოიცავს ქალაქ კარბონერასს სიერა-დე-კაბო-დე-გატის მთათა სისტემას, ასევე 120 კმ² ზღვას, როგორც საწყლოსნო ნაკრძალს. კლიმატი ნახევრადმშრალია და ეს პარკი წარმოადგენს ევროპის უმშრალეს ადგილს. 1997 წელს იუნესკომ გააფორმა როგორც ბიოსფერული ნაკრძალი.

კაბო-დე-გატის ბუნების პარკი Parque Natural del Cabo de Gata-Níjar
IUCN კატეგორია V (დაცული ლანდშაფტი)
მდებარეობა	ალმერია, ესპანეთი
კოორდინატები	36°47′00″ ჩ. გ. 02°06′00″ დ. გ.
ფართობი	460 კმ²
დაარსდა	1997
სტუმრობა	500,000 (1998)
მმართველი ორგანო	ანდალუსიის ავტონომიური მთავრობა

პარკის მდებარეობა

პარკი ხასიათდება ვულკანური ფორმაციებით - ლავით, ვულკანური გუმბათებით, კალდერებით. ზღვისგან გამოყოფილია 400 მ სიგანის ქვიშიანი სანაპიროთი. 2006 წელს შეუერთდა იუნესკოს გლობალურ გეოგრაფიულ პარკთა ქსელს.

პარკში საშუალო წლიური ტემპერატურა 18 °C -ია, ნალექების საშუალო წლიური მაჩვენებელი მთელი ევროპის მასშტაბით აქ დაბალია და წელიწადში 120 - 180 მმ-ს შეადგენს.

გავრცელებულია დაახლოებით 1.000 სახეობის მცენარე, მათ შორის ენდემურებიც და 1.100 სახეობის ცხოველი და ფრინველი, რომელთა შორის უმრავლესი ფრინველია, რის გამოც ევროკავშირმა პარკი ფრინველთა დაცვის მიზნით სპეციალურ დაცულ ტერიტორიად გამოაცხადა.

გალერეა

• 
  ვულკანური კლდე
• 
  Cabo de Gata.jpg
• 
  ევროპული მარაო-პალმა (Chamaerops humilis)
• 
• 
  ფლამინგო
• 
  Dactylopterus volitans
• 
• 
• 
• 

რესურსები ინტერნეტში

• კაბო-დე-გატის ბუნებრივი პარკი (ფრანგული)
• კაბო-დე-გატის ბუნებრივი პარკი
• ფოტოები
• კაბო-დე-გატის ბუნებრივი პარკი (ესპანური)
• ფოტოები