მილა იოვოვიჩი
მილა იოვოვიჩი (რუს. Милица Йовович; დ. 17 დეკემბერი, 1975)[1] — ამერიკელი მსახიობი, მოდელი და მუსიკოსი. კარიერის განმავლობაში მონაწილეობა მიიღო არაერთ სამეცნიერო ფანტასტიკურ და მოქმედებითი ჟანრის ფილმში. კარიერა დაიწყო როგორც მოდელმა; პირველად გამოჩნდა ჟურნალ „ლეის“ გარეკანზე. 1988 წელს პირველად მიიღო პროფესიონალური სამსახიობო როლი სატელევიზიო ფილმში „ღამის გასეირნება კატმანდუში“; იმავე წელს ითამაშა ფილმში „ორი მთვარის შერწყმა“. რამდენიმე უმნიშვნელო სატელევიზიო გამოსვლის შემდეგ, 1989 წელს როლი მიიღო ფილმში „ცოლიანი, შვილებთან ერთად“. პოპულარობა მოუტანა ფილმმა „დაბრუნება ცისფერ ლაგუნაში“. 1992-1993 წლებში შესაბამისად ითამაშა ფილმებში „კაფსი“ და „კაიფში და არეულობაში“. შემდეგ, რამდენიმე ხნით ეკრანს ჩამოშორდა. 1997 წელს ბრიუს უილისთან ერთად ითამაშა ცნობილ ფილმში „მეხუთე ელემენტი“, ხოლო ორი წლის შემდეგ ფილმში „ჟანა დ`არკი“. აღსანიშნავია აგრეთვე ფილმების სერია „ბოროტების სავანე“.
| მილა იოვოვიჩი | |
|---|---|
.jpg) მილა იოვოვიჩი 2014 წელს | |
| დაბადების სახელი | მილიცა იოვოვიჩი |
| დაბადების თარიღი |
17 დეკემბერი, 1975 კიევი, უკრაინა |
| საქმიანობა |
მსახიობი მოდელი მუსიკოსი დიზაინერი |
| აქტიური | 1985–დღემდე |
| მეუღლე(ები) | ლიუკ ბესონი (1997-1999) |
ბიოგრაფია
რედაქტირებამილა იოვოვიჩი დაიბადა 1975 წლის 17 დეკემბერს უკრაინის დედაქალაქ კიევში, მამამისის ბოგდან იოვოვიჩის, ეროვნებით სერბი[2][3] პედიატრისა და დედამისის თეატრის მსახიობის ეროვნებით რუსის — გალინა ლოგინოვას ოჯახში.[4] აღიზარდა რუსული მართლმადიდებლური ტრადიციებით.[5] 1980 წელს, როდესაც მილა 5 წლისა იყო მისმა ოჯახმა პოლიტიკური მიზეზების გამო საბჭოთა კავშირი დატოვა და საცხოვრებლად ქალაქ ლონდონში გადავიდა. მოგვიანებით საცხოვრებლად აშშ-ში გადავიდნენ, ჯერ საკრამენტოში (კალიფორნიის შტატი), ხოლო შემდეგ ლოს-ანჯელესში.
1980-იან წლებში მილას მშობლები მოსამსახურედ მუშაობდნენ რეჟისორ ბრაიან დე პალმას სახლში.[6] როდესაც მილა 15 წლისა იყო მამამისი არაკანონიერი სამედიცინო დაზღვევის გამო დააპატიმრეს და 1994 წელს 20 წლით თავისუფლების აღკვეთა მიუსაჯეს, თუმცა 1999 წელს ციხიდან გაათავისუფლეს.[7] შტატებში დაბინავების შემდეგ მილა სწავლობდა სახელმწიფო სკოლაში და სულ რაღაც 3 თვეში ადვილად აითვისა ინგლისური ენა.[8] სკოლაში სწავლების დროს თანაკლასელები მას აჯავრდებდნენ რამეთუ იგი იყო ემიგრანტი საბჭოთა კავშირიდან.
|
„მე მეძახდნენ კომუნისტს და რუს ჯაშუშს. მე არასოდეს, არასოდეს, არასოდეს არ ვყოფილვარ ამხანაგური წრის წევრი.“
|
[9] 12 წლის ასაკში მილამ სკოლა მიატოვა რათა სამოდელო კაირიერით დაკავებულიყო. 1994 წელს მილა იოვოვიჩი გახდა აშშ-ის მოქალაქე.[10]
9 წლის ასაკში სიარული დაიწყო სამოდელო სინჯებზე. იგი აღმოაჩინა ჯინ ლემიუელმა, როდესაც იგი იღებდა იოვოვიჩის სატესტო ფოტოსურათებს, რომელმაც მოგვიანებით აღნიშნული ფოტოსურათები ლოს-ანჯელესში უჩვენა ჰერბ რიტს. მომდევნო დღეს, რიტსმა დაჯავშნა იოვოვიჩის სურათები იტალიური ჟურნალის ლეის გარეკანისთვის. მოგვიანებით იოვოვიჩი გამოჩნდა ჟურნალ The Face-ის გარეკანზე, რომელმაც მისცა საშუალება იოვოვიჩს გაეფორმებინა კონტრაქტი Vogue და Cosmopolitan-ის ჟურნალებთან. მას შემდეგ იოვოვიჩმა დაამშვენა დაახლოებით ასამდე სხვადასხვა ჟურნალის გარეკანი.
1985 წელს ჩააბარა კალიფორნიის პროფესიონალ სამსახიობო სკოლაში. 1988 წელს პირველად შეასრულა როლი ფილმში „ღამის გასეირნება კატმანდუში“. იმავე წელს მცირე როლი მიიღო ფილმში „ორი მთვარის შერწყმა“. 1992 წელს კრისტიან სლეიტერთან ერთად ითამაშა ფილმში „კაფსი“. სხვა კინოროლებიდან აღსანიშნავია: „მეხუთე ელემენტი“, „ჟანა დ`არკი“, „მეოთხე სახეობა“, „სახეები ბრბოში“ და სხვ.
სამსახიობო და სამოდელო კარიერასთან ერთად, იოვოვიჩმა 1994 წელს გამოუშვა მუსიკალური ალბომი The Divine Comedy. იგი თავის ოფიციალურ საიტზე აგრძელებს სიმღერების დემო-ვერსიების გამოშვებას და ხელს უწყობს ფილმებისთვის დაწერილი საუნდტრეკების შექმნას. 2003 წელს კარმენ ჰოკთან ერთად შექმნა ტანსაცმლის ხაზი Jovovich-Hawk, რომელმაც 2008 წლამდე იარსება.[11] მილა იოვოვიჩი არის საპროდიუსერო კომპანიის Creature Entertainment-ის მფლობელი.
ფილმოგრაფია
რედაქტირება| წელი | ქართულად | მშობლიური სახელწოდება | როლი | |
|---|---|---|---|---|
| 1988 | ფ | ორი მთვარის შერწყმა | Two Moon Junction | სამანთა |
| 1991 | ფ | დაბრუნება ცისფერ ლაგუნაში | Return to the Blue Lagoon | ლილი |
| 1992 | ფ | კაფსი | Kuffs | მეია კარლტონი |
| 1992 | ფ | ჩაპლინი | Chaplin | მილდრედი |
| 1993 | ფ | კაიფში და არეულობაში | Dazed and Confused | მიშელ ბეროუზი |
| 1997 | ფ | მეხუთე ელემენტი | The Fifth Element | ლილუ |
| 1998 | ფ | მისი თამაში | He Got Game | დაკოტა |
| 1999 | ფ | ჟანა დ'არკი | The Story of Joan of Arc | ჟანა დ'არკი |
| 2000 | ფ | ოქროს მტვერი | The Claim | ლუსია |
| 2001 | ფ | ოტელი მილიონი დოლარი | The Million Dollar Hotel | ელოიზა |
| 2001 | ფ | ზულენდერი | Zoolander | კატინკა |
| 2002 | ფ | ბოროტების სავანე | Resident Evil | ელისი |
| 2002 | ფ | სულელიც ყოფილხარ! | You Stupid Man | ნადინი |
| 2011 | ფ | თოჯინა | Dummy | ფანგორა |
| 2003 | ფ | სახლი თურქულ ქუჩაზე | No Good Deed | ერინ |
| 2004 | ფ | ბოროტების სავანე: აპოკალიფსი | Resident Evil: Apocalypse | ელისი |
| 2006 | ფ | ულტრავიოლეტი | Ultraviolet | ვიოლეტი |
| 2007 | ფ | .45 | .45 | კეტი |
| 2007 | ფ | ბოროტების სავანე 3 | Resident Evil: Extinction | ელისი |
| 2009 | ფ | იდელური გაქცევა | A Perfect Getaway | სიდნი |
| 2009 | ფ | მეოთხე სახეობა | The Fourth Kind | ებიგეილი |
| 2010 | ფ | სტოუნი | Stone | ლუსიეტა |
| 2010 | ფ | ბოროტების სავანე 4 | Resident Evil: Afterlife | ელისი |
| 2010 | ფ | ბინძური გოგონა | Dirty Girl | სიუი-ენი |
| 2011 | ფ | ვიკრუტასები | Vykrutasy | ნადია |
| 2011 | ფ | ბობის აღზრდა | Bringing Up Bobby | ოლივი |
| 2011 | ფ | სამი მუშკეტერი | The Three Musketeers | მილედი |
| 2011 | ფ | სახეები ბრბოში | Faces in the Crowd | ანა |
| 2012 | ფ | ბოროტების სავანე 5 | Resident Evil: Retribution | ელისი |
| 2014 | ფ | სიმბელაინი | Cymbeline | დედოფალი |
რესურსები ინტერნეტში
რედაქტირება
სქოლიო
რედაქტირება- ↑ Official Website Biography. Millaj.com. ციტირების თარიღი: 2010-12-10.
- ↑ „Mila Jovović peva zanimljive pesme“. Glas Javnosti (Serbian). 2000-07-07. დაარქივებულია ორიგინალიდან — 2011-07-27. ციტირების თარიღი: 2010-11-07.
- ↑ The Official Milla Jovovich Website :: Biography. ციტირების თარიღი: 2008-11-10.
- ↑ Milla: The world's richest model. Forbes (2004-07-28). დაარქივებულია ორიგინალიდან — 2007-12-07. ციტირების თარიღი: 2007-12-29.
- ↑ Frequently Asked Questions. Milla Jovovich official website. დაარქივებულია ორიგინალიდან — ნოემბერი 1, 2011. ციტირების თარიღი: November 11, 2011.
- ↑ Wang, Jen. „Thoroughly Modern Milla“. California Style. ციტირების თარიღი: 2006-09-24. დამოწმება journal საჭიროებს
|journal=-ს (დახმარება) - ↑ „Milla Storms Off French TV“. Internet Movie Database. 2002-04-01. დაარქივებულია ორიგინალიდან — 2012-09-05. ციტირების თარიღი: 2007-11-19.
- ↑ Eaton, Anne (March 1988). „Dressed to Kill“. Star. ციტირების თარიღი: 2007-11-02.
- ↑ Cushing, Colin. (1996)Just Milla, please. ციტირების თარიღი: 2007-10-20.
- ↑ Brad Tyer (December 15, 1994). „Milla in 3-D“. Houston Press. დაარქივებულია ორიგინალიდან — 2015-04-02. ციტირების თარიღი: 2012-03-14.
- ↑ Jovovich – Hawk Close. Zimbio.com (2008-08-06). ციტირების თარიღი: 2010-12-10.