იენს სტოლტენბერგი
იენს სტოლტენბერგი (ნორვ. Jens Stoltenberg; დ. 16 მარტი 1959, ოსლო) — ნორვეგიელი სახელმწიფო და პოლიტიკური მოღვაწე, ნორვეგიის პრემიერ-მინისტრი 2000-2001 და 2005-2013 წწ., ნატოს გენერალური მდივანი 2014-2024 წლებში. თანამდებობა დაიკავა 2014 წლის 1 ოქტომბერს.
| იენს სტოლტენბერგი | |
 | |
| ნატოს მე-13 გენერალური მდივანი | |
|---|---|
| თანამდებობაზე ყოფნის დრო | |
| 1 ოქტომბერი, 2014 – 1 ოქტომბერი, 2024 | |
| წინამორბედი | ანდერს ფოგ რასმუსენი |
| მემკვიდრე | მარკ რიუტე |
| თანამდებობაზე ყოფნის დრო | |
| 17 ოქტომბერი, 2005 – 16 ოქტომბერი, 2013 | |
| მონარქი | ჰარალდ V |
| წინამორბედი | ხიელ მაგნე ბუნევიკი |
| მემკვიდრე | ერნა სოლბერგი |
| თანამდებობაზე ყოფნის დრო | |
| 3 მარტი, 2000 – 19 ოქტომბერი, 2001 | |
| მონარქი | ჰარალდ V |
| წინამორბედი | ხიელ მაგნე ბუნევიკი |
| მემკვიდრე | ხიელ მაგნე ბუნევიკი |
მუშათა პარტიის ლიდერი | |
| თანამდებობაზე ყოფნის დრო | |
| 6 აპრილი, 2002 – დღემდე | |
| წინამორბედი | თურბიერნ იაგლანდი |
| დაბადებული | 16 მარტი, 1959 ოსლო, ნორვეგია |
| პოლიტიკური პარტია | ნორვეგიის მუშათა პარტია |
| მეუღლე | ინგრიდ სკულერუდი |
| შვილები | აქსელი, ანა-კატერინა |
| განათლება | ოსლოს უნივერსიტეტი |
| ხელმოწერა |  |
დაიბადა ცნობილი ნორვეგიელი პოლიტიკური მოღვაწის ოჯახში. მისი მამა ტურვალდ სტოლტენბერგი ნორვეგიის საგარეო საქმეთა მინისტრი იყო. 1987 წელს დაამთავრა ოსლოს უნივერსიტეტის ეკონომიკის ფაკულტეტი. კარიერა დაიწყო როგორც ჟურნალისტმა გაზეთში „Arbeiderbladet“. 1985-1989 წლებში ხელმძღვანელობდა მუშათა პარტიის ახალგაზრდულ ფრთას. 1993 წლიდან 2013 წლამდე იყო ნორვეგიის პარლამენტის წევრი.1993-1996 წლებში გრუ ჰარლემ ბრუნტლანის კაბინეტში ეკავა ვაჭრობისა და ენერგეტიკის მინისტრის, ხოლო 1996-1997 წწ. თურბიერნ იაგლანდის მთავრობაში ფინანსთა მინისტრის თანამდებობები.
2000 წელს დანიშნეს პრემიერ-მინისტრად და ეს თანამდებობა ეკავა უახლოეს საპარლამენტო არჩევნებამდე, 2001 წლამდე რომელშიც მუშათა პარტიამ მიიღო ამომრჩეველთა ხმების მხოლოდ 24 % და აჩვენა თავისი არსებობის ისტორიაში ყველაზე უარესი შედეგი.
2002 წლიდან პარტიის ხელმძღვანელია. 2005 წელს სოციალისტურ მემარცხენე პარტიასთან ალიანსში მოიგო საპარლამენტო არჩევნები და კვალავ პრემიერ-მინისტრის თანამდებობა დაიკავა. 2005-2013 წლებში მისი ხელმძღვანელობით შრომის პარტიამ ორჯერ ზედიზედ გაიმარჯვა საპარლამენტო არჩევნებში. სტოლტენბერგის პრემიერ-მინისტრობის დროს ნორვეგიის ისტორიაში ყველაზე მასშტაბური ტერორისტული აქტი მოხდა, როდესაც სოციალისტთა ახალგაზრდულ ბანაკს თავს დაესხა ანდრეს ბრეევიკი.
2014 წლის 1 ოქტომბრიდან ნატოს გენერალური მდივანია[1].
რესურსები ინტერნეტში
რედაქტირება- ბიოგრაფია cidob.org-ზე დაარქივებული 2014-03-30 საიტზე Wayback Machine.
სქოლიო
რედაქტირება- ↑ „Nato names Stoltenberg next chief“. BBC News. 28 March 2014. დაარქივებულია ორიგინალიდან — 30 მარტი 2014. ციტირების თარიღი: 9 April 2014.