იასავის კუნძულები
იასავის კუნძულები (ინგლ. Yasawa Islands) — კუნძულების ჯგუფი ფიჯის რესპუბლიკაში, წყნარ ოკეანეში. ადმინისტრაციულად კუნძულები შედიან დასავლეთის ოლქის მბის პროვინციის შემადგენლობაში.
| მშობ. სახელი: ინგლ. Yasawa Islands | |
|---|---|
 | |
| გეოგრაფია | |
| 16°55′ ს. გ. 177°20′ ა. გ. / 16.917° ს. გ. 177.333° ა. გ. | |
| მდებარეობა | წყნარი ოკეანე |
| კოორდინატები |
კოორდინატები: განედი არ არის მითითებული |
| კუნძულთა რაოდენობა | 22 |
| მთავარი კუნძული | იასავა |
| ფართობი | 135 კმ² |
| უმაღლესი წერტილი | 600 მ |
| ოლქი | დასავლეთის ოლქი |
| პროვინცია | მბის პროვინცია |
| დემოგრაფია | |
| მოსახლეობა | 5000 |
| სიმჭიდროვე | 37,037 ად. /კმ² |
გეოგრაფია
რედაქტირებაიასავის კუნძულები მდებარეობს წყნარი ოკეანის სამხრეთ ნაწილში, დაახლოებით 40 კმ-ში ჩრდილო-დასავლეთით კუნძულ ვიტი-ლევუდან[1]. არქიპელაგი შედგება დაახლოებით 20 კუნძულისაგან[2]. ხმელეთის საერთო ფართობი შეადგენს დაახლოებით 135 კმ²-ს. კუნძულები წაგრძელებულია ჩრდილო-აღმოსავლეთი მიმართულებით დაახლოებით 80 კმ-ზე. გეოლოგიური თვალსაზრისით კუნძულებს აქვთ ვულკანური წარმოშობა. კუნძულების ზედაპირი მთიანია; ოთხ კუნძულზე მთების სიმაღლე აჭარბებს 600 მეტრს[1].
არქიპელაგის ყველაზე დიდი კუნძულებია: — იასავა, ნავიტი, ვაია, ვაია ლაიტაი, ნატულა, ტავევა და იაკეტა.
კლიმატი კუნძულებზე ტროპიკულია. ხშირად ხდება გვალვები.
ისტორია
რედაქტირებაიასავის კუნძულების ადამიანებით დასახლება სავარაუდოდ მოხდა ჩვენს წელთაღრიცხვამდე დაახლოებით 700 წელს, ფიჯის სხვა, უფრო დიდი კუნძულების დასახლებიდან რამდენიმე ასეული წლის შემდეგ[3].
კუნძულების პირველი ევროპელი აღმომჩენი გახდა ბრიტანელი ზღვაოსანი უილიამ ბლაი, რომელმაც არქიპელაგი აღმოაჩინა 1789 წელს, ცნობილ გემ «ბაუნტიზე» აჯანყებიდან უახლოეს ხანში. 1794 წელს კუნძულებს ესტუმრა კაპიტანი ბარბერი. მიუხედავად ამისა არქიპელაგის ზუსტი რუკები არ არსებობდა 1840 წლამდე, სანამ ის არ შეისწავლა ამერიკულმა ექსპედიციამ ჩარლზ უილკსის მეთაურობით.
სქოლიო
რედაქტირება- ↑ 1.0 1.1 Yasawa Islands. Lonely Planet. დაარქივებულია ორიგინალიდან — 2012-04-22. ციტირების თარიღი: 2010-04-10.
- ↑ Yasawa Islands Vacation Fiji Guide. Yasawa Islands Fiji Islands Travel and Island Guide. დაარქივებულია ორიგინალიდან — 2012-04-22. ციტირების თარიღი: 2010-04-10.
- ↑ Ethan E. Cochrane., Human cultural diversity in prehistoric Fiji // Archaeology International.