გოგა თავაძე
გიორგი მერაბის ძე თავაძე (დ. 5 მარტი, 1962, თბილისი) — ქართველი რეჟისორი და დრამატურგი, სანდრო ახმეტელის,(2005) კოტე მარჯანიშვილის სახელობის პრემიის ლაურეატი (2010).
| გოგა თავაძე | |
|---|---|
 | |
| დაბადების თარიღი |
5 მარტი, 1962 თბილისი, საქართველოს სსრ, სსრკ |
| ეროვნება | ქართველი |
| მოქალაქეობა |
 სსრკ → საქართველო |
| განათლება | თეატრალური ინსტიტუტი |
| საქმიანობა | რეჟისორი, დრამატურგი |
| მშობლები |
მამა: მერაბ თავაძე დედა: ირმა გურიელი |
ბიოგრაფია
რედაქტირებაგიორგი თავაძე დაიბადა 1962 წლის 5 მარტს, თბილისში. 1990 წელს დაამთავრა საქართველოს თეატრალური ინსტიტუტის დრამის რეჟისურის ფაკულტეტი (რობერტ სტურუას შემოქმედებითი სახელოსნო). მისი პირველი სტუდენტური სპექტაკლები იყო: ალან მონკ ჰაუზის „ბრილიანტი“, ა. სუდარევის „ალდებარანში!.. ალ დე ბაზრანში!..“ და რ. არდენსონის „ძვირფასო, მე არ მესმის შენი ხმა, როცა აბაზანაში წყალი ჩხრიალებს“ (1991).
1990-2000 წლებში მოღვაწეობდა რუსთაველის სახელობის სახელმწიფო აკადემიური თეატრში რეჟისორად; 2001-2006 წლებში იყო თბილისის სამეფო უბნის თეატრის მთავარი რეჟისორი; 2006 წელს რობერტ სტურუას რეკომენდაციით დაინიშნა ბათუმის ილია ჭავჭავაძის სახელობის სახელმწიფო დრამატული თეატრის სამხატვრო ხელმძღვანელად. 2002 წლიდან არის შემოქმედებითი კავშირის, „საქართველოს თეატრალური საზოგადოების“ წევრი.
დადგმული სპექტაკლები
რედაქტირება- დადგმული საოპერო და დრამატული სპექტაკლები:
- 2017წ.--- „სამგროშიანი ოპერა“ ბერტოლტ ბრეხტი. ვასო აბაშიძის სახელობის მუსიკისა და დრამის სახელმწიფო თეატრი
- 2016წ.--- „PERPETUUM MOBILE” მატეი ვიშნეკი პიესის მიხედვით. ლადო მესხიშვილის სახელობის სახელმწიფო დრამატული თეატრი.
- 2015წ.--- „რა ვუყოთ ამ ვიოლონჩელოს“ მატეი ვიშნეკი კოტე მარჯანიშვილის სახელობის სახელმწიფო დრამატული თეატრის ახალი სცენა
- 2015წ.--- „ნული საათი. The Zero Houer” ენდრიუ ქუიკი, გიორგი თავაძე ბათუმის სახელმწიფო მუსიკალური ცენტრის და ილია ჭავჭავაძის სახელობის დრამატული თეატრის ერთობლივი ნაწარმოები.
- 2014წ.--- „მარწყვის ცივი ტორტი“ ალექსანდრე ქოქრაშვილის პიესა. ლადო მესხიშვილის სახელობის ქუთაისის სახელმწიფო დრამატული თეატრი.
- 2014 წ.--- „აჩა-ბაჩა ანუ Delirium Comicus“ ლაშა ბუღაძის პიესების მიხედვით. გიგა ლორთქიფანიძის სახელობის რუსთავის დრამატული თეატრი.
- 2013 წ.---- „ეროტიული კარუსელი“ დევიდ ჰეირის „ცისფერი ოთახი“ს მიხედვით. ეჟენ იონესკოს სახელობის ნაციონალური თეატრი. კიშინოვი. მოლდოვა
- 2012წ.---- „მაგრიტის შემდეგ“ ტომ სტოპარდი. შოთა რუსთაველის სახელობის სახელმწიფო დრამატული თეატრი.
- 2011 წ.---- „გვესაჭიროება მოხუცი კლოუნი“ მატეი ვიშნეკი. ბათუმის ილია ჭავჭავაძის სახელობის სახელმწიფო დრამატული თეატრი.
- 2010 წ.---- „დაბოლილი მთვარე“ ი. სამსონაძე გ. თავაძე. შოთა რუსთაველის სახელობის სახელმწიფო დრამატული თეატრი.
- 2010 წ.---- „თავფარავნელის ბალადა“ მ. ხითარიშვილის როკ-ოპერა. თ. ჭილაძის პიესის მოტივებზე. ლიბრეტო ირმა გურიელის ბათუმის სახელმწიფო მუსიკალური ცენტრი
- 2009 წ. ---- „ბანანისა და კომშის პუდინგი კონიაკითა და რომით“ ი. სამსონაძე გ.თავაძე ბათუმის ილია ჭავჭავაძის სახელობის სახელმწიფო დრამატული თეატრი.
- 2008 წ.---- „ორი ბატონის მსახური“ კარლო გოლდონი. ბათუმის სახელმწიფო დრამატული თეატრი.
- 2008 წ.---- „ სოფლის ღირსება“ პიეტრო მასკანის ოპერა. ბათუმის სახელმწიფო მუსიკალური ცენტრი.
- 2007 წ.---- „ჭალას ჩიტი მომკვდსარიყო“ თ. ჭილაძე ბათუმის სახელმწიფო დრამატული თეატრი.
- 2007 წ.---- „კაპულეტები და მონტეკები“ ვინჩენცო ბელინის ოპერა. ბათუმის სახელმწიფო მუსიკალური ცენტრი.
- 2007 წ---- „ნუგზარი და მეფისტოფელი“ ლაშა ბუღაძე. ბათუმის სახელმწიფო დრამატული თეატრი.
- 2006 წ.---- „საღამოს ბაღში როგორც ფერად სიზმარში“ ი. სამსონაძე ბათუმის სახელმწიფო დრამატული თეატრი.
- 2005 წ.---- „თეატრი“ ლაშა ბუღაძე. რუსთავის გიგა ლორთქიფანიძის სახელობის დრამატული თეატრი.
- 2004 წ. ----„ნუგზარი და მეფისტოფელი“ ლაშა ბუღაძე. სამეფო უბნის თეატრი.
- 2003წ.---- „გარეუბნის მარტოსახლი“ ვლადიმერ სიხარულუძრე. ქუთაისის მესხიშვილის სახელობის სახელმწიფო დრამატული თეატრი
- 1999 წ.---- „ნახვის დღე“ თამაზ ჭილაძე. (რ. სტურუას გ. თავაძე) შოთა რუსთაველის სახელობის სახელმწიფო დრამატული თეატრი.
- 1995 წ.---- „იქ სადაც ღვარად მოედინება“ ი. სამსონაძე. შოთა რუსთაველის სახელობის სახელმწიფო დრამატული თეატრი.
- 1991 წ.---- „აღდგომა გაუქმებულ სასაფლაოზე“ ი. სამსონაძე. შოთა რუსთაველის სახელობის სახელმწიფო დრამატული თეატრი.
დაწერილი აქვს პიესა
რედაქტირება- „ბანანისა და კომშის პუდინგი კონიაკითა და რომით“ (კომიკური იგავი ერთ მოქმედებად, ირაკლი სამსონაძესთან თანაავტორობით), 2009 წელი.
- „დაბოლილი მთვარე გაპრიალებულ იატაკზე“ (კომიკური იგავი, ირაკლი სამსონაძესთან თანაავტორობით), 2010 წელი.
ჯილდოები
რედაქტირება- 2005 წელს საქართველოს თეატრალური საზოგადოების პრეზიდიუმის გადაწყვეტილებით მიენიჭა სანდრო ახმეტელის სახელობის პრემია სპექტაკლისათვის „ნუგზარი და მეფისტოფელი“, რომელიც დადგა სამეფო უბნის თეატრში.
- 2007 წელს კულტურის საერთაშორისო ბაზრობაზე „კავკასია 2007“ გიორგი თავაძე დაჯილდოვდა საპატიო დიპლომით, როგორც კავკასიის რეგიონის საუკეთესო რეჟისორი სპექტაკლისთვის „ნუგზარი და მეფისტოფელი“.
- სპექტაკლისთვის „ნუგზარი და მეფისტოფელი“ 2008 წელს დაჯილდოვდა ლვოვის საერთაშორისო ფესტივალზე „ოქროს ლომი“ საპატიო დიპლომით.
- 2007 წელს გ. თავაძის „ნუგზარი და მეფისტოფელი“ გაზეთ „24 საათის“ გამოკითხვის შედეგად, ასევე აჭარის თეატრალური საზოგადოების მიერ დასახელდა წლის საუკეთესო სპექტაკლად
- 2008 წელს სპექტაკლისთვის „ნუგზარი და მეფისტოფელი“ დაჯილდოვდა ლვოვის საერთაშორისო ფესტივალზე „ოქროს ლომი“ საპატიო დიპლომით.
- 2009.წელი. ტრაპიზონის შავი ზღვის საერთაშორისო თეატრალური ფესტივალის ლაურეატი.
- 2010 წლის 14 იანვარს, ქართული თეატრის დღეს, საქართველოს თეატრალურმა საზოგადოებამ გიორგი თავაძე დააჯილდოვა კოტე მარჯანიშვილის სახელობის პრემიით ბათუმის თეატრში წარმატებით განხორციელებული სპექტაკლებისთვის.
- 2010 წლის 27 მარტს აჭარის თეატრალურმა საზოგადოებამ და აჭარის განათლების, კულტურისა და სპორტის სამინისტრომ პირველად (აქამდე ეს პრემია გაიცემოდა მხოლოდ მსახიობებზე) რეჟისორი გიორგი თავაძე დააჯილდოვა იუსუფ კობალაძის სახელობის პრემიით.
- 2010 წ.--- თეატრალურ კონურსზე „დურუჯი“, კულტურის სამინისტროს სპეციალური პრემია.
- 2012წ.--- ,,ეჟენ იონესკოს“ სახელობის საერთაშორისო თეატრალური ფესტივალი. THE INTERNATIONA FESTIVAL OF PERFORMING ARTS ,,BITEI-2012”
ლიტერატურა
რედაქტირება- ენციკლოპედია „საქართველო“, ტ. 3, თბ., 2014. — გვ. 426.