მთავარი მენიუს გახსნა

ზედა თმოგვი— XI საუკუნის ქართული ხუროთმოძღვრების ძეგლი, სამნავიანი ბაზილიკა. ვარძიისა და თმოგვის ციხის ჩრდილოეთით, მაღალ მთიან პლატოზე.

ზედა თმოგვი
Zeda tmogvi.jpg
ძირითადი ინფორმაცია
რელიგიური კუთვნილება საქართველოს მართლმადიდებელი ეკლესია
პროვინცია სამცხე-ჯავახეთის მხარე
რაიონი ასპინძის მუნიციპალიტეტი
მემკვიდრეობითი ადგილმდებარეობა ახალციხისა და ტაო-კლარჯეთის ეპარქია
ხუროთმოძღვრების აღწერა
ხუროთმოძღვრული სტილი სამნავიანი ბაზილიკა
თარიღდება XI საუკუნე
დეტალები

არქიტექტურარედაქტირება

ნაგებია კარგად გათლილი რუხი ქვით, გადახურულია ლორთფინებით. მაღალი და განიერი ცენტრალური ნავი გევრდის ნავებისაგან ორ წყვილ ბოძზე დაყრდნობილი სამ-სამი თაღითაა გამოყოფილი. სამხრეთ ფასადზე სწორკუთხა ჩარჩოში ჩასმული ჩუქურთმებითა და წარწერებით შემკული შესასვლელია. ბაზილიკის ჩრდილოეთ კედელში ჩართულია VIII-IX საუკუნეების მცირე ზომის დარბაზული ეკლესიის სამხრეთი კედელი შესასვლელითურთ. ბაზილიკის ერთ-ერთი წარწერიდან ირკვევა, რომ იგი აუგია იოვანე ჭიმჭიმელის ძეს ერისთავთ-ერისთავს ფარსმანს ბაგრატ IV-ის (1027-1072) დროს. ძეგლს რამდენიმე აღდგენა-გადაკეთების კვალი ემჩნევა.

ზედა თმოგვის ეპიგრაფიკარედაქტირება

ნოშას წარწერა ტაძრის სამხრეთის ფასადზე (XI ს.)

 
„ქრისტე, შეიწყალე სული ნოშასი, ესე კუთხი მისია.“

ანტონის წარწერა ტაძრის სამხრეთ ფასადზე (XI ს.)

 
„ქრისტე, შეიწყალე სული ანტონისი.“

ლიტერატურარედაქტირება

  • რ. გვერდწითელი, ქსე, ტ. 4, გვ. 495, თბ., 1979
  • ვ. სილოგავა, ჯავახეთის ეპიგრაფიკა. 2001 წ. ახალციხე