ზაქარიასთავი

ზაქარიასთავი, ზაქარიასწვერი — მთა საქართველოში, მცხეთა-მთიანეთის მხარეში, მცხეთის მუნიციპალიტეტში. მდებარეობს საბადურის ქედზე. სიმაღლე ზღვის დონიდან 1433 მ.

ზაქარიასთავი
ზაქარიასთავი (ცენტრში), ხედი სოფელ წეროვნიდან
კოორდინატები: 41°54′54″ ჩ. გ. 44°53′25″ ა. გ.
ქვეყანა	საქართველო
ტერიტორიული ერთეული	მცხეთის მუნიციპალიტეტი
სიმაღლე	1433 მ
ქედი	საბადურის ქედი
ამგებელი ქანები	თიხისა და ქვიშაქვის შუაშრეებიანი კონგლომერატი
სურათები ვიკისაწყობში

აგებულია ნეოგენური თიხებისა და ქვიშაქვების შუაშრეებიანი კონგლომერატებით. ჩრდილოეთი და ჩრდილო-აღმოსავლეთი კალთები დამრეცია, სამხრეთი და სამხრეთ-დასავლეთი — შედარებით ციცაბო. ზაქარიასთავის კალთების ქვემო ნაწილი შემოსილია ტყის ყომრალ ნიადაგებზე განვითარებული მუხნარ-რცხილნარით, ზემო — ამავე ნიადაგებზე გავრცელებული წიფლის ტყეებით.

ლიტერატურა

• უთმელიძე მ., ენციკლოპედია „საქართველო“, ტ. 3, თბ., 2014. — გვ. 322.