ვერლიბრი

ვერლიბრი (ფრანგ. vers libre — „თავისუფალი ლექსი“) — ურითმო ლექსი, რომლის ტაეპები არათანაზომიერია და მარცვალთა რაოდენობა ნებისმიერი. თავისუფალია აგრეთვე ტაეპების შეწყობა და სტროფული კომპოზიცია, მაგრამ აუცილებელია ტაეპთა სალექსო სტრიქონებად განლაგება და რიტმულ-ინტონაციური შეწყობა.

ვერლიბრმა განსაკუთრებული პოლულარობა მოიპოვა დასავლეთ ევროპაში XIX საუკუნის ბოლოსა და XX საუკუნის დასაწყისში სიმბოლისტი პოეტების შემოქმედებაში. საქართველოში XX საუკუნიდან დასაწყისიდან დამკვიდრდა. ვერლიბრის პირველი ნიმუშები ეკუთვნის გ. ტაბიძეს („ფარდების შრიალი”, „სამრეკლო უდაბნოში”) და ცისფერყანწელებს (პ. იაშვილი, ტ. ტაბიძე, ვ. გაფრინდაშვილი). ვერლიბრითაა დაწერილი გ. ტაბიძის პოემა „ჯონ რიდი”. ვერლიბრის ხელახალი აღორძინება 1960–70-იან წლებში მოხდა (ო. ჭილაძე, ბ. ხარანაული, ლ. სტურუა და სხვ.).

ლიტერატურა

• გაწერელია ა., ენციკლოპედია „საქართველო“, ტ. 3, თბ., 2014.

რესურსები ინტერნეტში

• ვერლიბრი — უცხო სიტყვათა ლექსიკონი