ვახტანგ გოგუაძე
ვახტანგ გოგუაძე (დ. 14 თებერვალი, 1940, ლესა, ლანჩხუთის რაიონი — გ. 10 ივნისი, 2007, თბილისი) — ქართველი პოლიტიკოსი, პარლამენტის სპიკერი, ფილოლოგი და ფილოსოფოსი. ფილოსოფიის მეცნიერებათა დოქტორი (1984), პროფესორი (1987).
| ვახტანგ გოგუაძე | |
|---|---|
 ვახტანგ გოგუაძე | |
| დაბადების თარიღი |
14 თებერვალი, 1940 ლესა, ლანჩხუთის რაიონი, საქართველოს სსრ |
| გარდაცვალების თარიღი |
10 ივნისი, 2007 (67 წლის) თბილისი, საქართველო |
| ეროვნება | ქართველი |
| პროფესია | საქართველოს პარლამენტის სპიკერი |
| საქმიანობა |
პოლიტიკური მოღვაწე ფილოლოგია ფილოსოფია |
| მეუღლე(ები) | ნანა ჩხაიძე |
| შვილ(ებ)ი | გიორგი გოგუაძე, თამარ გოგუაძე |
ბიოგრაფია
რედაქტირებადაამთავრა თბილისის სახელმწიფო უნივერსიტეტის ფილოლოგიის ფაკულტეტი 1963 წელს.
1967–1985 წლებში ეწეოდა პედაგოგიურ მოღვაწეობას თბილისის სახელმწიფო უნივერსიტეტის ესთეტიკის კათედრაზე. 1985–1992 წლებში იყო ამავე უნივერსიტეტის პრორექტორი იდეურ-აღმზრდელობით დარგში. იკვლევდა ადამიანის ფილოსოფიურ, სახელდობრ, ესთეტიურ პრობლემატიკას; ავტორია წიგნებისა: „ერი გულადი, პურადი“ (1977), „ადამიანი, როგორც ესთეტიკური ფენომენი“ (1980), „მე არც წარსულის, არც მომავლის არ მეშინია“ (1993). სხვადასხვა დროს იყო ეროვნული კონგრესის წევრი (1990). 1992-1995 წლებში იყო საქართველოს მე-3 მოწვევის პარლამენტის წევრი პარტიული სიით, საარჩევნო ბლოკი „მშვიდობა“. 1995-1999 წლებში იყო საქართველოს მე-4 მოწვევის პარლამენტის წევრი ( თბილისი, ისნის მაჟორიტარი), საარჩევნო ბლოკი „საქართველოს მოქალაქეთა კავშირი“. 1992 წელს იყო საქართველოს სახელმწიფო საბჭოს მდივანი, 2001–2007 წლებში იყო საქართველო-რუსეთის მეგობრობის კავშირის თავმჯდომარე.
ბიბლიოგრაფია
რედაქტირება- „მე არც წარსულის, არც მომავლის არ მეშინია“ (ავტორი). — თბილისი, ლეგია, 1993. - 436 გვ.
- იდეოლოგიური ბრძოლა და ხელოვნების მისია (ავტორი). — თბილისი, ხელოვნება, 1986. - 46 გვ.
- ადამიანი, როგორც ესთეტიკური ფენომენი (ავტორი). — თბილისი, თბილ. უნ-ტის გამ-ბა, 1980. - 178 გვ.
- ერი გულადი, პურადი... : ქართული ზნე-ჩვეულებები და თანამედროვეობა (ავტორი). — თბილისი, თბილ. უნ-ტის გამ-ბა, 1977. - 191 გვ.
- გრიგოლ კიკნაძე : ცხოვრება და მოღვაწეობა (თანაავტორი). — თბილისი, თბილ. უნ-ტის გამ-ბა, 1976. - 95 გვ.
ლიტერატურა
რედაქტირება- ენციკლოპედია „საქართველო“, ტ. 2, თბ., 2012. — გვ. 72.