ვახტანგი (ახვლედიანი)
მიტროპოლიტი ვახტანგი (ერისკაცობაში — შამილ/ბადრი რუბენის ძე ახვლედიანი; დ. 25 ნოემბერი, 1953, სოფელი ცაგერი) — საქართველოს მართლმადიდებელი ეკლესიის მღვდელმთავარი, მარგვეთისა და უბისის ეპარქიის ყოფილი მღვდელმთავარი. 2013 წლის ოქტომბრიდან ტიტულარული ეპისკოპოსი (ეპისკოპოსი ეპარქიის გარეშე) ცურტაველი მიტროპოლიტის წოდებით; ანგელოზის დღე – 30 ნოემბერი (13 დეკემბერი) (წმინდა მეფე ვახტანგ გორგასლის ხსენება).
| მაღალყოვლადუსამღვდელოესობა, მიტროპოლიტი ვახტანგი (ახვლედიანი) 
| |||
| |||
|---|---|---|---|
| ეკლესია: | საქართველოს სამოციქულო ავტოკეფალური მართლმადიდებელი ეკლესია
| ||
| დაბადების სახელი: | ბადრი ახვლედიანი | ||
| დაბადება: | 11 იანვარი, 1953 სოფელი ცაგერი | ||
| ბერად აღკვეცა: | 1982 წლის 1 აგვისტო | ||
| დიაკვნად კურთხევა: | 1977 წლის 2 იანვარი | ||
| მღვდლად კურთხევა: | 1978 წლის 18 აპრილი | ||
| ეპისკოპოსად კურთხევა: | 1982 წლის 2 აგვისტო | ||
| მთავარეპისკოპოსობა ებოძა: | 1992 წლის 25 დეკემბერი | ||
| მიტროპოლიტობა ებოძა: | 2009 წლის 26 აპრილი | ||
ბიოგრაფია
რედაქტირებამიტროპოლიტი ვახტანგი, ერისკაცობაში — შამილ/ბადრი რუბენის ძე ახვლედიანი დაიბადა 1953 წლის ნოემბერს, სოფელ ცაგერში. საქართველოს მართლმადიდებლურ ეკლესიაში მისი დიაკვნად კურთხევა მოხდა 1977 წლის 2 იანვარს, ხოლო მღვდლად ხელდასხმა მოხდა — 1978 წლის 18 აპრილს. ბერად აღიკვეცა 1982 წლის 1 აგვისტოს, ხოლო მეორე დღეს აკურთხეს ეპისკოპოსად. ეპისკოპოს ვახტანგის მთავარეპისკოპოსობა ებოძა 1992 წლის 25 დეკემბერს, ხოლო მიტროპოლიტობა — 2009 წლის 26 აპრილს. თავისი საეკლესიო მოღვაწეობის პერიოდში ხელმძღვანელობდა შემდეგ ეპარქიებს:
- 1982 — აგარაკ-წალკის ეპისკოპოსი;
- 1984 — ჭყონდიდელი ეპისკოპოსი;
- 1988 — ურბნისის ეპისკოპოსი;
- 1994-1995 — ურბნისის მთავარეპისკოპოსი;
- 1995-2002 — სამთავისის მთავარეპისკოპოსი;
- 2002 — არგვეთის მთავარეპისკოპოსი.
- 2009 წლის 26 აპრილიდან ეწოდა ცურტაველი მიტროპოლიტი[1].