ვალერი გერგიევი

ამ გვერდს არა აქვს შემოწმებული ვერსია, სავარაუდოდ მისი ხარისხი არ შეესაბამებოდა პროექტის სტანდარტებს.

ვალერი გერგიევი (დ. 2 მაისი, 1953, მოსკოვი) — რუსი დირიჟორი, მარიინსკის თეატრის გენერალური დირექტორი; ასევე ასოცირებული მეტროპოლიტენ ოპერასთან, როტერდამის ფილარმონიულ ორკესტრთან და ლონდონის სიმფონიურ ორკესტრთან.

დაიბადა მოსკოვში ოსურ ოჯახში; გაიზარდა ვლადიკავკაზში, ოსეთი, ჩრდილო კავკასია. ბავშვობაში განსაკუთრებული ნიჭით არ გამოირჩეოდა, ფორტეპიანოზე დაკვრა საშუალო სკოლაში ისწავლა. შემდეგ სანქტ-პეტერბურგში (იმჟამად ლენინგრადი) მიენგზავრება კონსერვატორიაში სასწავლებლად.

1978 წელს ის კიროვის ოპერის დირიჟორის ასისტენტი ხდება იური ტემირკანოვის ხელმძღვანელობით. აქვე იმართება მისი დებიუტი, სადაც ის სერგეი პროკოფიევის "ომსა და მშვიდობას" დირიჟორობს. 1981-1985 წლებში სომხეთის სახელმწიფო ორკესტრის მთავარი დირიჟორი იყო.

1991 წელს გერგიევი პირველად მართავს კონცერტს დასავლეთ გერმანიაში ბავარიის სახელმწიფო ოპერაში მიუნხენში მოდესტ მუსორგსკის ბორის გოდუნოვის შესრულებით. ამავე წელს იმართება მისი ამერიკული დებიუტი - სან-ფრანცისკოს ოპერაში ასრულებს "ომი და მშვიდობა"-ს. მას შემდეგ ის საოპერო და საორკესტრო რეპერტუარს მთელი მსოფლიოს მასშტაბით ასრულებს. გერგიევი დაკავშირებული მრავალ მუსიკალურ ფესტივალთან. მას ჩაწერილი აქვს მრავალი შესრულება როტერდამისა და მარიინსკის გუნდებთან. ამჟამად მუშაობს შოსტაკოვიჩის სიმფონიების სერიაზე.

1988 წელს ხდება კიროვის მთავარი დირიჟორი და სამხატვრო დირექტორი. 1996 წელს უკვე გადარქმეული მარიინსკის თეატრის გენერალური დირექტორი ხდება, რუსეთის მთავრობის დანიშვნით. პარალელურად, 1995 წელს როტერდამის ფილარმონიული ორკესტრის მთავარი დირიჟორი ხდება, ხოლო 1997 წელს ნიუ-იორკის მეტროპოლიტენ ოპერის მთავარი მოწვეული დირიჟორი.

2005 წელს ის დასახელდა ლონდონის სიმფონიური ორკესტრის მომდევნო მთავარ დირიჟორად, შეცვლის რა ამ პოსტზე სერ კოლინ დეივისს.

ვალერი გერგიევი

რესურსები ინტერნეტში