ეჩერი

ეჩერი (უნგრ. Ecser) ადგილია პეშტის ადმინისტრაციულ რაიონში, უნგრეთი, ბუდაპეშტის მახლობლად.

ადმინისტრაციული რაიონი
ეჩერი Ecser
გერბი
ქვეყანა	უნგრეთი
ადმინისტრაციული რაიონი	პეშტიპეშტი
კოორდინატები	47°26′39″ ჩ. გ. 19°19′34″ ა. გ.
პირველი ხსენება	1315
ფართობი	13,1 კმ²
მოსახლეობა	3 252 კაცი
სიმჭიდროვე	248,05 კაცი/კმ²
ეროვნული შემადგენლობა	უნგრელები, სლოვაკური უმცირესობა
სასაათო სარტყელი	UTC+1
სატელეფონო კოდი	29
საფოსტო ინდექსი	2233
ოფიციალური საიტი	ecser.hu
ეჩერი ვიკისაწყობში

მდებარეობა

ტოპონიმი ეჩერი სლოვაკურად ფონეტიკურად (Ečer) გადაიტანება, იმის გამო, რომ ამ რაიონში საკმაოდ მოზრდილი სლოვაკური უმცირესობა ცხოვრობს. დასახლება ბუდაპეშტის სამხრეთაღმოსავლეთში, საერთაშორისო აეროპორტის მახლობლად მდებარეობს. მეზობელი დასახლებები არის მაგლოდი, ვეჩესი, გიომრო და ულო. იქვე, დასახლებასთან ავტოსტრადა და სარკინიგზო ხაზი (ბუდაპეშტი–უისასი-სოლნოკი) გადის.

ისტორია

მიუხედავად იმისა, რომ ეჩერი 896 წლიდან არსებობს, ანუ იმ დროიდან უნგრელები საერთოდ ამ მიწაზე მოსულან, წერილობით ძეგლებში ეს დასახლება პირველად მაინც 1315 წლის 15 დეკემბერს მოიხსენიება. ერთ–ერთი ლეგენდის მიხედვით, ამ დასახლების სახელი უნგრელ ტომთა მეთაურ არპადს უკავშირდება; ის ერთხელ აქ შეჩერებულა, შეუსვენია და ადგილის სახელი უკითხავს. ადგილობრივთ ვერაფერი პასუხი გაუციათ, არპადს კი უთქვამთ, რახან ასეა, "ჩერი" ერქვასო, რაც უნგრულად (cser) მუხას ნიშნავს.

თურქთა ბატონობის დროს (1526-1686) ეჩერი დაცარიელებულა. პირველმოსახლენი აქ მხოლოდ 1699 წლიდან ჩნდებიან ისევ. (1703-1711) წლებში რაკოცის დამოუკიდებლობისათვის ბრძოლაში 11 ეჩერელ ჯარისკაცს მიუღია მონაწილეობა. 1700 წლიდან კი აქ გრაფ ანტალ გრასალკოვიჩი დაფუძნებულა, როგორც ეჩერის ადგილმეპატრონე.

საყურადღებო დეტალები

ადგილის მთავარი ღირსშესანიშნაობაა 1740 წელს აგებული კათოლიკური ეკლესია.

ადგილის მცხოვრებთ აქვთ საკუთარი ხალხური ცეკვა, რომელსაც „ეჩერული ქორწილი“ (Ecseri lakodalmas) ჰქვია.

ეკლესიის გერბზე გამოსახულია ადგილის სიმბოლო მუხა და „ეჩერული ქორწილი“.

პარტნიორი ქალაქები

• ზლატე კლასი (სლოვაკეთი)
• ქუმბაღი (თურქეთი)