ეშერის დოლმენები

ეშერის დოლმენები — ადრებრინჯაოს ხანის დოლმენების ჯგუფი. მდებარეობს სოხუმის მუნიციპალიტეტის სოფელ ეშერაში, კიურდერეს დასახლებაში.

პირველი დოლმენის ზომებია 2,1 X 2,93 X 3,68 მ. აღმოჩენილია ბრინჯაოს სფერული ღილები, კასრისებური მძივები, სფერული ფორმის საკინძი, სპირალური სამაჯურის ფრაგმენტი და მოწითალო და მოშავო ფერის ჭურჭლის ნატეხები.

მეორე დოლმენი გაძარცულია. მისი ზომები: 2,5 X 2,55 X 2,02 მ. ინვენტარიდან შემორჩენილია ბრინჯაოს შუბისპირი.

მესამე დოლმენის ინვენტარი: ბრინჯაოს ცული, ანკესი, შუბისპირები, მძივები, მოწითალო კეცის ჭურჭელი.

მეოთხე დოლმენში გამოვლინდა სპილენძის ცული, ფირფიტები, კასრისებური და მრგვალი მძივები, საკიდი, სპირალური საყურეები, სფერული ღილები, მოწითალო ფერის ჭურჭლის ფრაგმენტები.

მეხუთე დოლმენში აღმოჩნდა: ბრინჯაოს შუბისპირი, სარტყელი, ბიკონუსური მძივები, საკიდები, თიხის ჭურჭელი.

მეექვსე დოლმენის ინვენტარში შედის ბრინჯაოს შუბისპირი, კაჟის ისრისპირები, თიხის კვირისტავი, თიხის ჭურჭლის ფრაგმენტები. დოლმენი თარიღდება ძვ. წ. III ათასწლეულის ბოლო პერიოდით.

იხილეთ აგრეთვე

• აფხაზეთის დოლმენები
• კრომლეხი

ლიტერატურა

• ჯაფარიძე ო., დოლმენური კულტურა საქართველოში, თსუ შრომები, ტ. 77, თბ., 1959

რესურსები ინტერნეტში

• ლერი ჯიბლაძე, დასავლეთ საქართველოს ადრე და შუა ბრინჯაოს ხანის არქეოლოგიური კულტურები დაარქივებული 2020-03-20 საიტზე Wayback Machine. , საქართველოს არქეოლოგიური ძეგლების ორენოვანი (ქართულ-ინგლისური) ელექტრონული ენციკლოპედია.