ერევნის წმინდა გრიგოლ განმანათლებლის საკათედრო ტაძარი

**ერევნის წმინდა გრიგოლ განმანათლებლის საკათედრო ტაძარი**
	ერევნის წმინდა გრიგოლ განმანათლებლის საკათედრო ტაძარი
	;
ძირითადი ინფორმაცია
გეოგრაფიული კოორდინატები	40°10′19″N 44°31′01″E / 40.172003° ჩ. გ. 44.516836° ა. გ.
რელიგიური კუთვნილება	სომხეთის სამოციქულო ეკლესია
ქვეყანა	სომხეთი
პროვინცია	ერევანი
სასულიერო სტატუსი	მოქმედი
ხუროთმოძღვრების აღწერა
თარიღდება	1997-2001 წწ.
დეტალები
ტევადობა	1 700
სიმაღლე (მაქს.)	54 მეტრი

წმინდა გრიგოლ განმანათლებლის საკათედრო ტაძარი (სომხ. Սուրբ Գրիգոր Լուսավորիչ մայր եկեղեցի), ასევე, ცნობილი როგორც ერევნის კათედრალი — სომხეთის სამოციქულო ეკლესიის უდიდესი ტაძარი ამჟამად და სომხეთის უდიდესი კათედრალი. მდებარეობს სომხეთის დედაქალაქ ერევნის კენტრონის რაიონში (ცენტრალური რაიონი) და ითვლება სამხრეთი კავკასიის ერთ-ერთ უდიდეს რელიგიურ ნაგებობად წმინდა სამების საკათედრო ტაძართან ერთად. ტაძარი ანდრანიკ ზორავარის მეტროსადგურის მახლობლად დგას და ერევნის მრავალი წერტილიდან ჩანს.

ისტორია

ტაძარი აშენდა კათოლიკოს ვაზგენ I-ის ინიციატივით. მისი მშენებლობა დაიწყო 1997 წლის 7 აპრილს კათოლიკოს გარეგინ I-ის მიერ საფუძვლის საკურთხებლად აღვლენილი წირვის შემდეგ.^[1] ტაძრის კომპლექსი დააპროექტა არქიტექტორმა სტეპან კურკჩიანმა. მშენებლობა დასრულდა 2001 წელს.

საკათედრო ტაძრის ეკურთხა 2001 წლის 23 სექტემბერს სომხეთში ქრისტიანობის სახელმწიფო რელიგიად გამოცხადების 1700 წლისთავთან დაკავშირებით.^[1] ტაძარში განთავსებულია გრიგოლ განმანათლებლისა და წმინდა გრიგორის წმინდა ნაწილები, რომლებიც აქ იტალიიდან, ნეაპოლიდან ჩამოასვენეს. ტაძრის კურთხევიდან მალევე მას პაპი იოანე პავლე II ეწვია.

არქიტექტურა

გრანდიოზული კათედრალი სამი ეკლესიის შემცველი კომპლექსია: კათედრალი (მთავარი ტაძარი), რომელიც 1 700 ადამიანს იტევს, მეფე თრდატ III-სა და დედოფალ აშხენის ტაძრები (ორივე 150 აგილიანი). ამ ორმა სამეფო ფიგურამ წმინდა გრიგოლს სომხეთის გაქრისტიანების საქმეში გადამწყვეტი დახმარება გაუწია. კათედრალის შესასვლელთან დგას სამრეკლო კოშკი (რომელიც 30-ზე მეტ თაღს მოიცავს) და სასამართლო.

კომპლექსის საერთო ფართობია 3 822 კვადრატული მეტრი, ხოლო სიმაღლე მიწიდან ჯვრის წვერამდე 54 მეტრია.^[2]

კომპლექსის მთავარი ტაძარი აშენდა ალექსანდრე მანუკიანისა და ლუიზა მანუკიან სიმონეს შემოწირულობებით მათი გარდაცვლილი მამის, ქველმოქმედის, მეწარმისა და AGBU-ს ყოფილი პრეზიდენტის, ალექს მანუკიანისა და მისი ცოლის მერი მანუკიანის მოსახსენებლად.^[1] მეორე მხრივ, დანარჩენი ორი ეკლესია აშენდა ნაზარ და არტემის ნაზარიანებისა და ლინდა გეორქიანის, ხოლო სამრეკლო — ედუარდო ერნეკიანის შემოწირულობებით.

გალერეა

რესურსები ინტერნეტში

Official website დაარქივებული 2018-10-08 საიტზე Wayback Machine.
Surp Grigor Lusavorich church
Surp Grigor Lusavorich Cathedral (Armenian)

სქოლიო

↑ ^1.0 ^1.1 ^1.2 http://asbarez.com/42657/louise-simone-and-richard-manougian-donate-2-million-to-yerevan-cathedral-project/ Louise Simone and Richard Manougian Donate $2 Million to Yerevan Cathedral Project
↑ Yerevan churches. Official Website of the Yerevan Council. ციტირების თარიღი: 2009-08-24.

[manoug-1] 1.0 ^1.1 ^1.2 http://asbarez.com/42657/louise-simone-and-richard-manougian-donate-2-million-to-yerevan-cathedral-project/ Louise Simone and Richard Manougian Donate $2 Million to Yerevan Cathedral Project

[2] Yerevan churches. Official Website of the Yerevan Council. ციტირების თარიღი: 2009-08-24.

[1]

[2]

ძირითადი ინფორმაცია
ერევნის წმინდა გრიგოლ განმანათლებლის საკათედრო ტაძარი

გეოგრაფიული კოორდინატები	40°10′19″N 44°31′01″E / 40.172003° ჩ. გ. 44.516836° ა. გ. / 40.172003; 44.516836
რელიგიური კუთვნილება	სომხეთის სამოციქულო ეკლესია
ქვეყანა	სომხეთი
პროვინცია	ერევანი
სასულიერო სტატუსი	მოქმედი
ხუროთმოძღვრების აღწერა
თარიღდება	1997-2001 წწ.
დეტალები
ტევადობა	1 700
სიმაღლე (მაქს.)	54 მეტრი