ელგუჯა ბაღათურია

ელგუჯა ბაღათურია (დ. 31 მაისი, 1962 — გ. 19 სექტემბერი, 1993) — ქართველი სამხედრო პირი.

ბიოგრაფია

ელგუჯა ბაღათურია აფხაზეთში მიმდინარე საომარი მოქმედებების დროს ჩარიცხული იყო საქართველოს თავდაცვის სამინისტროს მეორე საარმიო კორპუსის 23-ე მექანიზირებული ბრიგადის მესამე ბატალიონის პირად შემადგენლობაში ასეულის ზემდეგად. 1992 წლის ოქტომბრიდან აქტიურ მონაწილეობას იღებდა ბატალიონის მიერ ჩატარებულ ყველა საბრძოლო ოპერაციაში. 1993 წლის 19 სექტემბერს სოფელ თავისუფლებასთან გამართულ ბრძოლებში მძიმედ დაიჭრა ნაღმსატყორცნი ჭურვის აფეთქების შედეგად და გარდაიცვალა. დასაფლავებულია გულრიფშის რაიონის სოფელ კაშტაკში. ომში იბრძოდა მამასთან, შოთა ბაღათურიასთან, ერთად. საქართველოს ტერიტორიული მთლიანობისათვის მებრძოლი აფხაზეთის ომში.

ჯილდოები, პრემიები და პრიზები

• ვახტანგ გორგასლის III ხარისხის ორდენი (გარდაცვალების შემდეგ).

ლიტერატურა

უკვდავება: საქართველოს ტერიტორიული მთლიანობისათვის შიდა ქართლსა და აფხაზეთში დაღუპულ მეომართა ბიოგრაფიები. ნაწილი 2, საქართველოს ჟურნალისტთა ფედერაცია, საქართველოს თავდაცვის სამინისტრო, თბ., 2004, გვ. 70-71.

რესურსები ინტერნეტში

• ელგუჯა ბაღათურია — საქართველოს ბიოგრაფიული ლექსიკონი