ევგრაფი შევარდნაძის სტადიონი
ევგრაფი შევარდნაძის სტადიონი — ევგრაფი შევარდნაძის სახელობის სპორტული სტადიონი ლანჩხუთში, საქართველო. ძირითადად გამოიყენება საფეხბურთო მატჩებისათვის. არის ლანჩხუთის „გურიას“ საშინაო მოედანი. იტევდა 22 000 მაყურებელს, რეკონსტრუქციის შემდეგ ეს მაჩვენებელი 10 000 მდე შემცირდა.[1].
 | |
| სრული სახელი | ევგრაფი შევარდნაძის სახელობის ლანჩხუთის გურიას სტადიონი |
|---|---|
| მდებარეობა | ლანჩხუთი, საქართველო. |
| აშენდა | 1987 |
| გაიხსნა | 2 მარტი, 1987 |
| აღდგა | 2012 |
| მესაკუთრე | საქართველოს მთავრობა |
| საფარი | ბუნებრივი |
| არქიტექტორი | მანუჩარ მახათაძე (რეკონსტრუქცია) |
| ტევადობა | 22 000 (ძველი სტანდარტით). 10 000 (რეკონსტრუქციის დასრულების შემდეგ) |
| გუნდები | |
| გურია ლანჩხუთი | |
მშენებლობის ისტორია
რედაქტირებამეორე მსოფლიო ომამდე სტადიონის ტერიტორიაზე მხოლოდ კომისარიატის შენობა იდგა. 1946 წელს ამჟამინდელი სტადიონის ტერიტორიაზე პირველად მოეწყო შესაფერისი მოედანი. მოგვიანებით ხის ნაგებობა კაპიტალური შენობებით შეიცვალა და ამასთან ერთდ იცვლებოდა სტადიონის ტევადობაც. თავიდან 5000 მაყურებელს იტევდა, შემდეგ 7000-მდე გაიზარდა და ბოლოს 10 000-ს გადააჭარბა. ნათელი გახდა, რომ რაიონი ფეხბურთით სუნთქავდა. მას შემდეგ რაც გურია უმაღლეს ლიგაში აღზევდა, ცხადია არსებული ნაგებობები მოთხოვნებს ვერ აკმაყოფილებდა. საქართველოს მთავრობამ მიიღო დადგენილება ლანჩხუთის „გურიას“ ფეხბურთელთა გუნდის მატერიალურ-ტექნიკური ბაზის გასაახლებლად დამატებითი ღონისძიებების შესახებ. ამ დადგენილებებით გათვალისწინებული იყო ფეხბურთოს ცენტრალური სტადიონის სპორტული კომპლექსის, სოფ. გრიგოლეთის სასწავლო-საწვრთვნელი ბაზის რეკონსტრუქცია და კეთილმოწყობა. კომპლექსის მშენებლობა დაიწყო 1987 წლის 1 იანვარს და დამთავრდა იმავე წლის 2 მარტს. სტადიონის ტევადობა საგრძნობლად იქნა გაზრდილი და ახლა იგი 22 000 მაყურებელს იტევდა.
დაიდგა პროჟექტორის ანძები, მეტალის კონსტრუქციებით დამონტაჟდა ტრიბუნები და ჰელიოდანადგარები, ალიუმინის ვიტრაჟები, უზრუნველყოფილი იქნა ელექტროენერგიით, დაიდგა ახალი ელექტროსაინფორმაციო ტაბლო, გამოიცვალა სადრენაჟო სისტემა. ეს სამუშაოები შეასრულა ტრესტ კავკასიის ელექსელმშენმა. საქართველოს საავტომობილო გზების სამინისტრომ მოაწყო სტადიონთან მისასვლელი გზები. საქართველოს კავშირგამბულობის სამინისტრომ უზრუნველყო სტადიონის რადიოფიცირებისა და ტელეფონიზაციის სამუშაოები. შეიცვალა სატელევიზიო ანძებიც.
დღევანდელი მდგომარეობა
რედაქტირებასტადიონი მაყურებელთა ტევადობის მიხედვით, ფაქტობრივად, მესამეა საქართველოში, ბორის პაიჭაძისა და მიხეილ მესხის სტადიონების შემდეგ და ამ მაჩვენებლით ქუთაისის რამაზ შენგელიას სტადიონსაც აღემატება. მაგრამ ამის მიუხედავად სტადიონი დღეს სავალალო მდგომარეობაშია და სასწრაფო რეკონსტრუქციას საჭიროებდა. რეკონსტრუქცია დაწყებულია. ტრიბუნის 2/3 დაინგრა, რადგან ამორტიზებული იყო. გამოიცვალა სადრენაჟო და სარწყავი სისტემა, ასევე, მინდვრის საფარი, დარჩენილ ტრიბუნებზე დაიდგა ახალი საერთო ხის სკამები, თუმცა ეს დროებით. უახლოეს მომავალში დაიდგმება ინდივიდუალური სკამები. შეკეთდა გასახდელები.[2]
იხილეთ აგრეთვე
რედაქტირებასქოლიო
რედაქტირება- ↑ საქართველოს სტადიონები. დაარქივებულია ორიგინალიდან — 2010-12-11. ციტირების თარიღი: 2011-03-01.
- ↑ ლანჩხუთში „გურიის“ სტადიონის რეკონსტრუქცია დაიწყება. დაარქივებულია ორიგინალიდან — 2016-03-05. ციტირების თარიღი: 2012-01-16.