დუშეთის მუნიციპალიტეტის გერბი
დუშეთის მუნიციპალიტეტის გერბი — დუშეთის მუნიციპალიტეტის სახელმწიფო სიმბოლო დროშასთან ერთად. მიღებულია დუშეთის მუნიციპალიტეტის საკრებულოს მიერ.
| დუშეთის მუნიციპალიტეტის გერბი | |
|---|---|
 | |
| დეტალები | |
| დამტკიცდა | 26 ოქტომბერი, 2012[1] |
| გვირგვინი | სამკოშკიანი ქონგურებიანი საქალაქო ვერცხლის გვირგვინი |
| ფარი | ვერცხლის სარტყელი, ვერცხლის ჰერალდიკური ჯვარი, მეომრის ოქროს აღჭურვილობა – ჯაჭვის პერანგი, აღმოსავლური ფარი და ხმალი. |
| ფარმჭერები | ვერცხლ-მეწამული ბაფთა |
| დევიზი | დუშეთი |
აღწერილობა
რედაქტირებაგერბის ფარი გაკვეთილია და იყოფა ორ ნაწილად:
- I ნაწილი — მეწამულ ველზე ზედა ნაწილი გადაკვეთილია ტეხილი ვერცხლის სარტყელით რომლის ზევით და ქვევით განთავსებულია ხუთი ვერცხლის ჰერალდიკური ჯვარი სამი-ორზე.
- II ნაწილი — სევადი ველი. გერბის ცენტრში, პირველ და მეორე ველზე მოთავსებულია მეომრის ოქროს აღჭურვილობა: ჯაჭვის პერანგი; აღმოსავლური ფარი და ხმალი.
გერბის ფარს ზემოთ მოთავსებულია საქალაქო ვერცხლის გვირგვინი — სამკოშკიანი ქონგურებიანი გალავანი (ციხე-სიმაგრის ფორმის) ნახევრად ღია კარიბჭით.
ფარს ქვემოთ მოთავსებულია გერბის დევიზის ვერცხლ-მეწამული ბაფთა, რომლის ვერცხლის ველზე შავით ჩაწერილია გერბის დევიზი — „დუშეთი“.