დესის წმინდა გიორგის ეკლესია

დესის წმინდა გიორგის ეკლესია — არქიტექტურული ძეგლი, დგას სოფელ დესის განაპირას. აგებულია XIX საუკუნეში. ეკლესია გეგმით სწორკუთხაა (3,6x3 მ), შესასვლელი აღმოსავლეთიდან აქვს, კარი სწორკუთხაა. დასავლეთ კედელში ორი განსხვავებული ნიშია. ეკლესიას სარკმლები არ აქვს. ინტერიერი და ფასადები შელესილია. რელიფის გამო აღმოსავლეთ ფასადის გარდა ყველა ფასადი მიწაშია ჩაფლული.

ლიტერატურა

• საქართველოს ისტორიისა და კულტურის ძეგლთა აღწერილობა, ტ. 2, თბ., 2008. — გვ. 455.