დაღესტნის სახელმწიფო აგრარული უნივერსიტეტი
დაღესტნის სახელმწიფო აგრარული უნივერსიტეტი — უმაღლესი საგანმანათლებლო დაწესებულება მახაჩყალაში.
უნივერსიტეტი დაარსდა 1932 წელს [1]. პედაგოგიური პერსონალი 252 მასწავლებელს ითვლის, საიდანაც 35 მეცნიერების დოქტორია. უნივერსიტეტში 4 ათასზე მეტი სტუდენტი სწავლობს.
ისტორია
რედაქტირებაუნივერსიტეტი შეიქმნა სახალხო კომისართა საბჭოს 1932 წლის 29 ივნისის განკარგულების შესაბამისად, როგორც დაღესტნის ხილისა და ყურძნის ინსტიტუტი. 1934 წელს დაერქვა დაღესტნის სოფლის მეურნეობის ინსტიტუტი.
1943 წელს იგი აზერბაიჯანიდან მახაჩკალაში ხელახლა გადმოიყვანეს.
1994 წელს ინსტიტუტი გადაკეთდა უმაღლესი პროფესიული განათლების ფედერალურ ინსტიტუტად, კერძოდ - დაღესტნის სახელმწიფო სოფლის მეურნეობის აკადემიად.
2010 წელს უნივერსიტეტს ეწოდა მაგომედ ჟამბულატოვის სახელი.
2012 წლის 10 თებერვალს, მეცნიერებასა და განათლების სფეროში ზედამხედველობის ფედერალური სამსახურის ბრძანებით, აღნიშნულ აკადემიას მიენიჭა უნივერსიტეტის სტატუსი.
სტრუქტურა
რედაქტირებაამ დროისთვის უნივერსიტეტს აქვს 7 სრული ფაკულტეტი და ერთი ნახევარ განაკვეთზე სწავლა, ასევე 29 დეპარტამენტი, ესენია:
- ტექნოლოგიური ფაკულტეტი;
- ბიოტექნოლოგიის ფაკულტეტი;
- ვეტერინარული მედიცინის ფაკულტეტი;
- ეკონომიკის ფაკულტეტი;
- საინჟინრო ფაკულტეტი;
- ავტომობილებისა და საავტომობილო მრეწველობის ფაკულტეტი;
- აგროეკოლოგიის ფაკულტეტი;
- დისტანციური სწავლების ფაკულტეტი.
უნივერსიტეტის მეცნიერები საყოველთაოდ არიან ცნობილნი ქვეყნის სამეცნიერო და საზოგადოებრივ წრეებში. მათგან 100-ზე მეტი დაჯილდოებულია სამთავრობო ჯილდოებით და ასევე აქვთ საპატიო წოდებები „დამსახურებული მეცნიერები“, რუსეთის ფედერაციისა „სოფლის მეურნეობის დამსახურებული მუშაკები“, არიან ასევე აკადემიკოსები და სხვადასხვა აკადემიის წევრები.
უნივერსიტეტს აქვს საკმარისი სავარჯიშო სივრცე და თანამედროვე ლაბორატორიული აღჭურვილობა სტუდენტების მაღალი ხარისხის სწავლებისთვის, რამაც შესაძლებელი გახადა ხუთდღიან სასწავლო კვირაზე გადასვლა 1 ცვლაში.
გამოჩენილი კურსდამთავრებულები
რედაქტირებააღნიშნული უნივერსიტეტის 500-ზე მეტი კურსდამთავრებული გახდა სოციალისტური შრომის გმირი, დაღესტნის რესპუბლიკისა და რუსეთის ფედერაციის მეცნიერების, სოფლის მეურნეობის დამსახურებული მუშაკები, გამომგონებლები, სხვადასხვა რესპუბლიკური და რუსეთის სამინისტროების, დეპარტამენტებისა და ორგანიზაციების ხელმძღვანელები. უნდა აღინიშნო, რომ ზოგიერთი მათგანი დაჯილდოებული ღირსების ორდენებით და მედლებით.
აკადემიის კურსდამთავრებულთა შორის: სახელმწიფო საბჭოს საპატიო თავმჯდომარე მაგომედოვი და დაღესტნის რესპუბლიკის საანგარიშო პალატის თავმჯდომარე შიხსაიდოვი არიან.
უნივერსიტეტის კურსდამთავრებულები ნაყოფიერად მუშაობენ სოფლის მეურნეობის წარმოებაში არა მხოლოდ დაღესტანში, არამედ მის საზღვრებს მიღმაც: ჩრდილოეთ კავკასიის ფედერალური ოლქის რესპუბლიკებში: ასტრახანში, სმოლენსკში, ორიოლი, ტულაში, ტვერში, კურსკში, ლიპეცკში, ნოვოსიბირსკში და სხვა რეგიონებში. ასევე სხვა ქვეყნებში: აზერბაიჯანში, საქართველოში, ბელარუსში, უკრაინასა და შუა აზიის ქვეყნებში.
რესურსები ინტერნეტში
რედაქტირებასქოლიო
რედაქტირება- ↑ Дагестанская государственная сельскохозяйственная академия. დაარქივებულია ორიგინალიდან — 2010-12-25. ციტირების თარიღი: 2011-02-13.