გრეგორი პეკი
ელდრედ გრეგორი პეკი (ინგლ. Eldred Gregory Peck დ. 5 აპრილი, 1916, ლა-ჯოლა, კალიფორნია – გ. 12 ივნისი, 2003, ლოს-ანჯელესი) — ამერიკელი კინომსახიობი.
| გრეგორი პეკი | |
|---|---|
 | |
| დაბადების სახელი | ელდრედ გრეგორი პეკი |
| დაბადების თარიღი |
5 აპრილი, 1916 ლა-ჯოლა, აშშ |
| გარდაცვალების თარიღი |
12 ივნისი, 2003 ლოს-ანჯელესი, აშშ |
| საქმიანობა | მსახიობი |
| აქტიური | 1942-2000 |
| ოსკარი |
საუკეთესო მსახიობი კაცი 1962 — ნუ მოკლავ ჯაფარას |
| ოქროს გლობუსი |
საუკეთესო მსახიობი კაცი დრამაში 1946 — ნუკრი 1962 — ნუ მოკლავ ჯაფარას |
სწავლობდა ნიუ-იორკის დრამის სკოლაში, სანფორდ მაისნერთან. კარიერა დაიწყო სცენაზე; მონაწილეობა აქვს მიღებული 50-მდე სპექტაკლსა და ბროდვეის 3 წარმოდგენაში. კინოში პირველი წარმატება წილად ხვდა ჯონ მალკოლმ სტალის ფილმში „სამეფოს გასაღები“ (1944), რომელმაც ოსკარის პირველი ნომინაცია მოუპოვა. მოგვიანებით ითამაშა სხვა წარმატებულ ფილმებში, როგორებიცაა „გადაწყვეტილების ველი“ (1944), ალფრედ ჰიჩკოკის „მონუსხული“ (1945), საოჯახო ფილმი „ნუკრი“ (1946), „პარადაინის საქმე“ (1947), „დიდი ცოდვილი“ (1947). მსოფლიო აღიარება მოიპოვა 1950-იან და 1960-იან წლებში ისეთი ფილმებით, როგორებიცაა „კაპიტანი ჰორაციო ჰორნბლოუერი“ (1951), ბიბლური დრამა „დავითი და ბერსაბე“ (1951). ავა გარდნერთან ერთად ითამაშა ფილმში „კილიმანჯაროს თოვლიანი მთა“ (1952), ხოლო ოდრი ჰეპბერნთან ერთად „რომაული არდადეგებში“ (1953).
1962 წელს გადაღებულ ფილმში „ნუ მოკლავ ჯაფარას“ შესრულებული ატიკუს ფინჩის როლისთვის მოიპოვა ოსკარი საუკეთესო მსახიობი კაცისთვის.
ადრეული ცხოვრება
რედაქტირებაელდრედ გრეგორი პეკი დაიბადა 1916 წლის 5 აპრილს, კალიფორნიის შტატის ქალაქ სან-დიეგოში,[1][2] ქიმიკოსი და ფარმაცევტის, გრეგორი პერლ პეკისა (1886-1962) და მისი მეუღლის, ბერნის მეი პეკის (1894-1992) კათოლიკურ ოჯახში. მამა ინგლისური (მამის მხრიდან) და ირლანდიური (დედის მხრიდან) წარმოშობის,[3][4] ხოლო დედა — ინგლისური და შოტლანდიური წარმოშობის იყო.[5]
5 წლის ასაკში, მისი მშობლები გაიყარნენ, ხოლო მისი აღზრდა ბებიამ (დედის დედა) ითავა. ბებიას პატარა გრეგორი ყოველ კვირა კინოში დაჰყავდა.[6][7] 10 წლის ასაკში გაგზავნეს კათოლიკურ სამხედრო სასწავლებელში ლოს-ანჯელესში. სწავლის დროს გარდაეცვალა ბებია. 14 წლის ასაკში დაბრუნდა სან-დიეგოში და მამასთან დაიწყო ცხხოვრება. სკოლის დამთავრების შემდეგ, 1934 წელს, ჩაირიცხა სან-დიეგოს შტატის კოლეჯში. აქ სწავლის დროს პირველად მიიღო მონაწილეობა თეატრალურ წარმოდგენაში.[8] მას ექიმობა უნდა, ამიტომ ბერკლის კალიფორნიის უნივერსიტეტში გადავიდა მედიცინის შესასწავლად.[9] 1.91 მეტრი სიმაღლის გრეგორი ირიცხებოდა უნივერსიტეტის ნიჩბოსანთა გუნდში. მიუხედავად იმისა, რომ მისი სწავლის ღირებულება წელიწადში მხოლოდ 26 დოლარს შეადგენდა, გადახდა უჭირდა და ერთ-ერთი ორგანიზაციის სამზარეულში დამხმარედ მუშაობდა საჭმლის სანაცვლოდ.[10]
ფილმოგრაფია
რედაქტირება| წელი | ქართულად | მშობლიური სახელწოდება | როლი | |
|---|---|---|---|---|
| 1945 | ფ | ზეციური სამეფოს გასაღები | The Keys of the Kingdom | მამა ფრანსისი |
| 1945 | ფ | მონუსხული | Spellbound | ჯონ ბალანტაინი |
| 1946 | ფ | ნუკრი | The Yearling | ეზრა ბაქსტერი |
| 1947 | ფ | პარადაინის საქმე | The Paradine Case | ენტონი კინი |
| 1947 | ფ | დიდი ცოდვილი | The Great Sinner | ფედია |
| 1947 | ფ | ჯენტლმენების შეთანხმება | Gentleman's Agreement | ფილიპ გრინი |
| 1949 | ფ | ვერტიკალური აფრენა | Twelve O'Clock High | გენერალი სავაჯი |
| 1953 | ფ | რომაული არდადეგები | Roman Holiday | ჯო ბრედლი |
| 1956 | ფ | მობი დიკი | Moby Dick | კაპიტანი აჰაბი |
| 1958 | ფ | დიდი ქვეყანა | The Big Country | ჯეიმზ მაკ-კი |
| 1962 | ფ | შიში კონცხი | Cape Fear | სემ ბოუდენი |
| 1962 | ფ | ნუ მოკლავ ჯაფარას | To Kill a Mockingbird | ატიკუს ფინჩი |
| 1963 | ფ | კაპიტანი ნიუმენი | Captain Newman, M.D | კაპიტანი ნიუმენი |
| 1966 | ფ | არაბესკა | Arabesque | პროფესორი დევიდ პოლოკი |
| 1969 | ფ | მაკენას ოქრო | Mackenna's Gold | მაკენა |
| 1977 | ფ | მაკართური | MacArthur | დაგლას მაკართური |
| 1978 | ფ | ბიჭები ბრაზილიიდან | The Boys from Brazil | ჯოზეფ მენგელე |
| 1991 | ფ | შიში კონცხი | Cape Fear | ლი ჰილერი |
| 1998 | ფ | მობი დიკი | Moby Dick | მამა მაპლი |
რესურსები ინტერნეტში
რედაქტირება
ბიბლიოგრაფია
რედაქტირება- Fishgall, Gary (2002), Gregory Peck: A Biography, New York: Simon & Schuster, ISBN 0-684-85290-X, https://books.google.com/books?id=NJId3XPaeR0C
- Freedland, Michael (1980), Gregory Peck: A Biography, New York: W. Morrow, ISBN 0-688-03619-8, https://books.google.com/books?id=TnxZAAAAMAAJ
- Haney, Lynn (2005), Gregory Peck: A Charmed Life, New York: Da Capo Press, ISBN 1-861-05824-1, https://books.google.com/books?id=9MbEOmfg4PcC
- McGilligan, Patrick (2004), Alfred Hitchcock: A Life in Darkness and Light, New York: HarperCollins Publishers Inc.
სქოლიო
რედაქტირება- ↑ How to Get to La Jolla Cove | La Jolla Cove Directions (September 14, 2017). ციტირების თარიღი: June 14, 2021
- ↑ Gregory Peck obituary en (June 14, 2003). ციტირების თარიღი: June 14, 2021
- ↑ Freedland 1980, p. 10.
- ↑ United States Census records for La Jolla, California 1910
- ↑ United States Census records for St. Louis, Missouri – 1860, 1870, 1880, 1900, 1910
- ↑ Bergan, Ronald (June 13, 2003). „Gregory Peck obituary“. The Guardian. ციტირების თარიღი: October 19, 2018.
- ↑ Freedland 1980, pp. 12–18.
- ↑ Fishgall 2002, pp. 36–37.
- ↑ Thomas, Tony. Gregory Peck. Pyramid Publications, 1977, p. 16
- ↑ 02.21.96 - >'Just One of the Guys'. ციტირების თარიღი: September 16, 2020