გორის მიწისძვრა (1920)

გორის მიწისძვრა — ძლიერი მიწისძვრა საქართველოს დემოკრატიულ რესპუბლიკაში, გორში 1920 წლის 20 თებერვალს. მიწისძვრის ძალა შეადგენდა 6.2 $M_{\mathrm {w} }$. დაიღუპა 114 ადამიანი. სერიოზულად დააზარალა გორის ციხე, ქვემო რიეთის ეკლესია, ნათლისმცემლის ეკლესია და რაიონის სხვა ძეგლები.

გორის მიწისძვრა

თარიღი	20 თებერვალი, 1920
მაგნიტუდა	6.2 $M_{\mathrm {w} }$
სიღრმე	11 კმ
ეპიცენტრის მდებარეობა	41°54′00″ ჩ. გ. 44°00′00″ ა. გ.
დაზარალებული ტერიტორია	საქართველო
მსხვერპლი	114 ადამიანი

გორის მაზრაში პირველი ძლიერი ბიძგი 20 თებერვლის 02:55 საათზე აღინუსხა, ხოლო განმეორებითი — 14:45 საათზე. რიხტერის სკალით მიწისძვრის მაგნიტუდა (ადგილობრივი სიმძლავრე) 6,2 ერთეულს შეადგენდა (შედარებისთვის, 2002 წლის თბილისის მიწისძვრის მაგნიტუდა უდრიდა 4,6 ერთეულს), ხოლო მერკალის სკალის მიხედვით ინტენსივობა ეპიცენტრში 8-9 ბალს უტოლდებოდა. ყველაზე ძლიერი, 9-ბალიანი ბიძგები აღირიცხა გორიდან 3 კილომეტრში მდებარე სოფელ ხიდისთავში. გორში მიწისძვრის სიმძლავრე 8 ბალს შეადგენდა, ისევე როგორც გორის მაზრის სოფლების უმრავლესობაში. ბიძგები მთელი საქართველოს მასშტაბით იგრძნობოდა. თბილისში მისი სიმძლავრე 6 ბალს შეადგენდა, ხოლო ბათუმსა და ფოთში - 5 ბალს.

რესურსები ინტერნეტში

• დიმიტრი სილაქაძე, „გორის 1920 წლის მიწისძვრა“, ჟურნალი “ისტორიანი”, 2012 წლის მაისი, #5/17