გომღისმაღალი

გომღისმაღალი, ქამღისმაღალი — მთა საქართველოში, მცხეთა-მთიანეთის მხარეში, დუშეთის მუნიციპალიტეტში.

გომღისმაღალი
კოორდინატები: 42°38′10″ ჩ. გ. 45°02′31″ ა. გ.
ქვეყანა	საქართველო
ტერიტორიული ერთეული	დუშეთის მუნიციპალიტეტი
სიმაღლე	3740 მ
ქედი	ხევსურეთის ქედი
ამგებელი ქანები	თიხაფიქალი

მდებარეობს მდინარეების ასისა და არღუნის წყალგამყოფ ხევსურეთის ქედზე, სოფელ შატილის სამხრეთ-დასავლეთითა და უღელტეხილ ისართღელის სამხრეთით. სიმაღლე ზღვის დონიდან 3740 მ. აგებულია ქვედაიურული თიხაფიქლებით. აღმოსავლეთ კალთაზე (არღუნის აუზში) მცირე მყინვარებია. დამახასიათებელია სუბალპური და ალპური ლანდშაფტები.

ლიტერატურა

• მარუაშვილი ლ., ენციკლოპედია „საქართველო“, ტ. 2, თბ., 2012. — გვ. 95.