გიორგი მერაბის ძე თავაძე (დ. 5 მარტი, 1962, თბილისი) — ქართველი რეჟისორი და დრამატურგი, კოტე მარჯანიშვილის სახელობის პრემიის ლაურეატი (2010).

გიორგი (გოგა) თავაძე
დაბადების თარიღი 5 მარტი, 1962 (1962-03-05) (58 წლის)
თბილისი, საქართველოს სსრ, სსრკ
ეროვნება ქართველი
მოქალაქეობა საბჭოთა კავშირის დროშა სსრკ
საქართველოს დროშა საქართველო
განათლება თეატრალური ინსტიტუტი
საქმიანობა რეჟისორი, დრამატურგი
მშობლები მამა: მერაბ თავაძე
დედა: ირმა გურიელი

ბიოგრაფიარედაქტირება

გიორგი თავაძე დაიბადა 1962 წლის 5 მარტს, თბილისში. 1990 წელს დაამთავრა საქართველოს თეატრალური ინსტიტუტის დრამის რეჟისურის ფაკულტეტი (რობერტ სტურუას შემოქმედებითი სახელოსნო). მისი პირველი სტუდენტური სპექტაკლები იყო: ალან მონკ ჰაუზის „ბრილიანტი“, ა. სუდარევის „ალდებარანში!.. ალ დე ბაზრანში!..“ და რ. არდენსონის „ძვირფასო, მე არ მესმის შენი ხმა, როცა აბაზანაში წყალი ჩხრიალებს“ (1991).

1990-2000 წლებში მოღვაწეობდა რუსთაველის სახელობის სახელმწიფო აკადემიური თეატრში რეჟისორად; 2001-2006 წლებში იყო თბილისის სამეფო უბნის თეატრის მთავარი რეჟისორი; 2006 წელს რობერტ სტურუას რეკომენდაციით დაინიშნა ბათუმის ილია ჭავჭავაძის სახელობის სახელმწიფო დრამატული თეატრის სამხატვრო ხელმძღვანელად. 2002 წლიდან არის შემოქმედებითი კავშირის, „საქართველოს თეატრალური საზოგადოების“ წევრი.

დადგმული სპექტაკლებირედაქტირება

რუსთაველის თეატრში დადგმული აქვს შემდეგი სპექტაკლები:

  • ირაკლი სამსონაძის „იქ, სადაც ღვარად მოედინება“.
  • ირაკლი სამსონაძის „აღდგომა გაუქმებულ სასაფლაოზე“,
  • თამაზ ჭილაძის „ნახვის დღე“ (რობერტ სტურუასთან ერთად).
  • „დაბოლილი მთვარე“ — (ირაკლი სამსონაძის და გიორგი თავაძის კომიკური იგავი) – 2010 წელი.

ქუთაისის ლადო მესხიშვილის სახელობის სახელმწიფო დრამატულ თეატრში:

  • ვლადიმერ სიხარულიძის ,,გარეუბნის მარტო სახლი", 2003 წელი

სამეფო უბნის თეატრში:

რუსთავის მუნიციპალურ დრამატულ თეატრში:

  • ლაშა ბუღაძის „თეატრი“ (2005 ელი).

ბათუმის ილია ჭავჭავაძის სახელობის სახელმწიფო დრამატულ თეატრში:

  • ირაკლი სამსონაძის კომიკური ფანტასმაგორია „საღამოს ბაღში, როგორც ფერად სიზმარში“ (2006 წელი)
  • ლაშა ბუღაძის კომედია „ნუგზარი და მეფისტოფელი“ (2007 წელი).
  • თამაზ ჭილაძის „ჭალას ჩიტი მომკვდარიყო...“
  • კარლო გოლდონის „ორი ბატონის მსახური“.
  • ირაკლი სამსონაძის და გიორგი თავაძის „ბანანისა და კომშის პუდინგი კონიაკითა და რომით“.

დაწერილი აქვს პიესარედაქტირება

  • „ბანანისა და კომშის პუდინგი კონიაკითა და რომით“ (კომიკური იგავი ერთ მოქმედებად, ირაკლი სამსონაძესთან თანაავტორობით), 2009 წელი.
  • „დაბოლილი მთვარე გაპრიალებულ იატაკზე“ (კომიკური იგავი, ირაკლი სამსონაძესთან თანაავტორობით), 2010 წელი.

ჯილდოებირედაქტირება

  • 2005 წელს საქართველოს თეატრალური საზოგადოების პრეზიდიუმის გადაწყვეტილებით მიენიჭა სანდრო ახმეტელის სახელობის პრემია სპექტაკლისათვის „ნუგზარი და მეფისტოფელი“, რომელიც დადგა სამეფო უბნის თეატრის სცენაზე.
  • 2007 წელს კულტურის საერთაშორისო ბაზრობაზე „კავკასია 2007“ გიორგი თავაძე დაჯილდოვდა საპატიო დიპლომით, როგორც კავკასიის რეგიონის საუკეთესო რეჟისორი სპექტაკლისთვის „ნუგზარი და მეფისტოფელი“.
  • სპექტაკლისთვის „ნუგზარი და მეფისტოფელი“ 2008 წელს დაჯილდოვდა ლვოვის საერთაშორისო ფესტივალზე „ოქროს ლომი“ საპატიო დიპლომით.
  • 2007 წელს გ. თავაძის „ნუგზარი და მეფისტოფელი“ გაზეთ „24 საათის“ გამოკითხვის შედეგად, ასევე აჭარის თეატრალური საზოგადოების მიერ დასახელდა წლის საუკეთესო სპექტაკლად.
  • არის ტრაპიზონის შავი ზღვის საერთაშორისო თეატრალური ფესტივალის ლაურეატი.
  • 2010 წლის 14 იანვარს, ქართული თეატრის დღეს, საქართველოს თეატრალურმა საზოგადოებამ გიორგი თავაძე დააჯილდოვა კოტე მარჯანიშვილის სახელობის პრემიით ბათუმის თეატრში წარმატებით განხორციელებული სპექტაკლებისთვის.
  • 2010 წლის 27 მარტს აჭარის თეატრალურმა საზოგადოებამ და აჭარის განათლების, კულტურისა და სპორტის სამინისტრომ პირველად (აქამდე ეს პრემია გაიცემოდა მხოლოდ მსახიობებზე) რეჟისორი გიორგი თავაძე დააჯილდოვა იუსუფ კობალაძის სახელობის პრემიით.

ლიტერატურარედაქტირება

რესურსები ინტერნეტშირედაქტირება