გიორგი ხუხაშვილი
გიორგი ხუხაშვილი (დ. 24 ოქტომბერი, 1925, ბანძა — 2 სექტემბერი, 2004, თბილისი) — ქართველი კრიტიკოსი, დრამატურგი, პოეტი. საქართველოს ღირსების ორდენის კავალერი (1996).
ბიოგრაფია
რედაქტირება1947 წელს დაამთავრა თბილისის სახელმწიფო უნივერსიტეტის ფილოსოფიის ფაკულტეტი. სხვადასხვა დროს მუშაობდა ჟურნალების „ნიანგისა“ და „ცისკრის" რედაქციებში; თბილისის „სახელმწიფო გამომცემლობაში“, საქართველოს თეატრის მოღვაწეთა კავშირში, კინოსტუდია „ქართულ ფილმში“; 1945 წელს გამოაქვეყნა პირველი ლექსი; პირველი წიგნი ლიტერატურულ-კრიტიკული წერილების კრებული „მწერალი და ცხოვრება“ გამოსცა 1956 წელს. 1957 წელს გამოსცა საბავშვო პოემების კრებული. ავტორია პიესებისა „ზღვის შვილები“ (1962), „ცხოვრება კაცისა“ (1970). გამოსცა ლიტერატურულ-კრიტიკული წერილების კრებულები „მწერალი და დრო“ (1962), „ლიტერატურული წერილები“ (1970), „დრო და თანამედროვენი“ (1977).
მის შემოქმედებაში თბილისის თემას მნიშვნელოვანი ადგილი ეთმობა; 1960 წელს ჟურნალ „ცისკარში“ დაიბეჭდა მისი პოემა თბილისზე „ლურჯი ფანჯრები“ (წიგნად გამოვიდა 1980 წელს); თბილისის ცხოვრებაზეა დაწერილი დრამები: „მთაწმინდის მთვარე“, „ცხოვრება კაცისა“, „მოსამართლე“, „მეათეკლასელები“, „დაბრუნება ბარათაშვილისა“, „დაბრუნება ფიროსმანისა“ და სხვა; მან თბილისს უძღვნა ლექსები: „ჩუღურეთი“, „ძველი თბილისის გახსენება“, „იმპრესიონისტების გამოფენა თბილისში“, ლირიკული ეტიუდები; მისი პიესისათვის „მთაწმინდის მთვარე“ კომპოზიტორმა გიორგი ცაბაძემ დაწერა სიმღერა ხუხაშვილისავე ლექსზე „სიმღერა თბილისზე“; თბილისისადმი მიძღვნილი პიესები სხვადასხვა დროს იდგმებოდა დედაქალაქის თეატრებში; კრებულ „სონეტებში“ (1998), რამდენიმე სონეტი თბილისს ეძღვნება.
ჯილდოები და აღიარება
რედაქტირება- 1988 — საქართველოს სსრ-ის სახელმწიფო პრემია
- 1996 — ღირსების ორდენი
თხზულებები
რედაქტირება- სონეტები,- თბილისი, , 1998.
- ბიბლიური მოტივები: რჩეული ლექსები - თბილისი, 1992
- დროის კვალდაკვალ, 1984
- დღიურები ჩემი ქალაქიდან, 1981
- პიესები - თბილისი, 1975
- ცხოვრება კაცისა, თბილისი, 1970
- ლიტერატურული წერილები - თბილისი, 1970
ლიტერატურა
რედაქტირება- ენციკლოპედია „თბილისი“, თბ., 2002. — გვ. 998, ISBN 99928-20-32-2.
- ქართული საბჭოთა ენციკლოპედია, ტ. 11, თბ., 1987. — გვ. 521.