გიორგი ჩუბინიშვილი
გიორგი ჩუბინიშვილი (დ. 13 მაისი, 1889, თბილისი — გ. 11 ოქტომბერი, 1945) — ქართველი კომპოზიტორი და მომღერალი.
| გიორგი ჩუბინიშვილი | |
|---|---|
| ბიოგრაფია | |
| დაბ. თარიღი | 13 მაისი, 1889 |
| დაბ. ადგილი | თბილისი |
| წარმოშობა | ქართველი |
| გარდ. თარიღი | 11 ოქტომბერი, 1945 (56 წლის ასაკში) |
| ჟანრ(ებ)ი | კამერულ–ვოკალური ჟანრი |
| საქმიანობა | კომპოზიტორი, მომღერალი |
| აქტიური | 1907 - 1945 |
ბიოგრაფია
რედაქტირებამუსიკალური განათლება მიიღო თბილისის სათავადაზნაურო გიმნაზიაში; აქვე დიდი ყურადღება მიაქცია ზაქარია ფალიაშვილმა, რომელიც ასწავლიდა საგუნდო სიმღერას, მანვე გაანაწილა სასწავლებლად ცნობილ კომპოზიტორ, მევიოლინე და პედაგოგ ანდრია ყარაშვილთან; 1907–1911 წლებში მღეროდა ცნობილ მომღერალ და ქორმეისტერ ი. რატილის გუნდში; 1911 წლიდან როგორც მომღერალი გამოდის საქართველოს ქალაქებსა და ასევე რუსეთში; 1927–1928 წლებში მუშაობდა ზ. ფალიაშვილის სახელობის თბილისის ოპერისა და ბალეტის თეატრის დირექტორის მოადგილედ; მოგვიანებით დაიწყო საკომპოზიტორო შემოქმედება; მთლიანად შემოიფარგლა კამერულ-ვოკალური ჟანრით.
შემოქმედება
რედაქტირებაავტორია გახმაურებული რომანსებისა და სიმღერების (ორმოცზე მეტი), მათ შორისაა: პირველი რომანსი „რა ტურფა, რა ლამაზია“ (1914, ვაჟა-ფშაველას ლექსის მიხედვით); საუკეთესო ნაწარმოებებია სიმღერები: „ქალო, გნახე ფეხშიშველი“, „ხმა გულისა“, „სევდა“, „მუხამბაზი“ (ვაჟა-ფშაველას, ილია ჭავჭავაძის, აკაკი წერეთელის ლექსებზე), ვოკალური დუეტები, გუნდები; 1957 წელს გამოვიდა სიმღერების კრებული.
ლიტერატურა
რედაქტირება- ქართული საბჭოთა ენციკლოპედია, ტ. 11, თბ., 1987. — გვ. 165.
- Композиторы грузии: Издание второе. – тб., 1973. - გვ. 249;