გიორგი ჩერქეზიშვილი

გიორგი ჩერქეზიშვილი (დ. 13 სექტემბერი, 1979, საქართველოს სსრ, სსრკ) — ქართველი ეკონომისტი. საქართველოს ეკონომიკის მინისტრი 2018 წლის 20 ივნისიდან ამავე წლის 15 ივლისამდე.

გიორგი ჩერქეზიშვილი
საქართველოს ეკონომოკის მინიტრი
თანამდებობაზე ყოფნის დრო
20 ივნისი, 2018 – 15 ივლისი, 2018
პრეზიდენტი	გიორგი მარგველაშვილი
პრემიერ-მინისტრი	მამუკა ბახტაძე
წინამორბედი	დიმიტრი ქუმსიშვილი
მემკვიდრე	გიორგი ქობულია
დაბადებული	13 სექტემბერი, 1979 (1979-09-13)
მოქალაქეობა	სსრკ →  საქართველო
ეროვნება	ქართველი
განათლება	თბილისის სახელმწიფო უნივერსიტეტი
პროფესია	ეკონომისტი

ბიოგრაფია

გიორგი ჩერქეზიშვილი დაიბადა 1979 წლის 13 სექტემბერს. 2001 წელს დაამთავრა თბილისის სახელმწიფო უნივერსიტეტი, გახდა საერთაშორისო ეკონომიკური ურთიერთობების ბაკალავრი. 2001-2003 წლებში იგი იყო თბილისის სახელმწიფო უნივერსიტეტის ეკონომიკის ფაკულტეტის საერთაშორისო ეკონომიკური ურთიერთობების მაგისტრი. 2001-2002 წლებში იყო ევროკომისიის „TACIS“-ის პროექტის ტექნიკური დახმარება კონტროლის პალატაის ადმინისტრაციული ასისტენტი. 2002-2005 წლებში იგი იყო საქართველოს კონტროლის პალატის საერთაშორისო ურთიერთობებისა და რეფორმების დეპარტამენტის წამყვანი სპეციალისტი. 2005–2006 წლებში იგი იყო საქართველოს ბანკის კორპორატიული დეპარტამენტის ბიზნესის განვითარების მენეჯერი. 2006–2009 წლებში კი ამავე ბანკის კორპორატიული დეპარტამენტის ენერგეტიკის სექტორის წამყვანი ურთიერთობების მენეჯერი. 2009–2013 წლებში იყო საქართველოს ბანკის კორპორატიული დეპარტამენტის ვი-აი-პი ბანკინგის მომსახურების ჯგუფის დირექტორი; 2014 წელს იყო – სს საპარტნიორო ფონდის საინვესტიციო დეპარტამენტის დირექტორის მოადგილე; 2014-2017 წლებში კი ამავე ფონდის საინვესტიციო დეპარტამენტის დირექტორი. 2012-2015 წლებში იყო გრენობლის ბიზნესის უმაღლესი სკოლისა და კავკასიის ბიზნესის სკოლის ორმაგი ხარისხის პროგრამის (საფრანგეთი-საქართველო) ბიზნესის ადმინისტრირების მაგისტრი. 2017 წლის მარტიდან 2018 წლის ივნისამდე იყო საქართველოს ეკონომიკის მინისტრის მოადგილე. 2018 წლის 20 ივნისიდან ამავე წლის 15 ივლისამდე კი იკავებდა ეკონომიკის მინისტრის პოსტს. 2018 წლის 16 ივლისიდან ამავე წლის ოქტომბრამდე იყო კვლავ ეკონომიკის მინისტრის მოადგილე.

რესურსები ინტერნეტში

• გიორგი ჩერქეზიშვილი — საქართველოს ბიოგრაფიული ლექსიკონი
• გიორგი ჩერქეზიშვილი — საქართველოს ეკონომიკისა და მდგრადი განვითარების სამინისტრო

პოლიტიკური თანამდებობები
წინამორბედი: დიმიტრი ქუმსიშვილი	ეკონომოკის მინისტრი 2018 20 ივნისი-2018 15 ივლისი	შემდეგი: გიორგი ქობულია