გიორგი ზედგინიძე

გიორგი ზედგინიძე (დ. 10 ივლისი, 1922, ბალანთა, ბორჯომის მუნიციპალიტეტი — გ. 1 დეკემბერი, 1994) — ქართველი მწერალი.

ბიოგრაფია

დაამთავრა გორის პედაგოგიური ინსტიტუტის ლიტერატურის ფაკულტეტიტი 1953 წელს. ეწეოდა პედაგოგიურ მოღვაწეობას. 1940 წლიდან აქვეყნებდა წერილებსა და ნარკვევებს ჟურნალ-გაზეთებში. მისი მთავარი ნაწარმოებია ისტორიული რომანი „დედის ტაძარი“ (1969, 1981), რომელშიც ასახულია XVII საუკუნის სამცხე-ჯავახეთის ვითარება. გიორგი ზედგენიძე ავტორია აგრეთვე კრებულისა „მოთხრობები“ (1976), ისტორიული პიესისა „მანუჩარ ჯაყელი“, „გატეხილი ხიდი“ (1984) და სხვა. მისი სამეცნიერო ნაშრომები სამხრეთ საქართველოს ისტორიულ მოვლენებზე სისტემატურად ქვეყნდებოდა სამეცნიერო ჟურნალებში.

ლიტერატურა

• ენციკლოპედია „საქართველო“, ტ. 3, თბ., 2014. — გვ. 336.

• ქართული საბჭოთა ენციკლოპედია, ტ. 4, თბ., 1979. — გვ. 498.

რესურსები ინტერნეტში

• გიორგი ზედგინიძე — საქართველოს ბიოგრაფიული ლექსიკონი