ბუძგორი

ბუძგორი — მწვერვალი საქართველოში, რაჭა-ლეჩხუმისა და ქვემო სვანეთის მხარეში, ონის მუნიციპალიტეტში. მდებარეობს შოდა-კედელას ქედზე. სიმაღლე ზღვის დონიდან 3226 მ. აგებულია ქვედაცარცული თიხაფიქლებით, კარბონატული ქვიშაქვებითა და მერგელებით. ბუძგორის ჩრდილოეთ კალთაზე სათავე აქვს მდინარე რიონის მარჯვენა შენაკადს — რუბოძალს, ხოლო სამხრეთ კალთაზე ჩაბალახის მარჯვენა და საკაოს მარცხენა შენაკადებს. მწვერვალი გაშიშვლებულია, კალთებზე ალპური და სუბალპური მდელოებია გავრცელებული.

ბუძგორი
შოდა-კედელას ქედი (ხედი სამხრეთიდან). ყველაზე მარცხენა მწვერვალია ბუძგორი.
კოორდინატები: 42°44′02″ ჩ. გ. 43°22′53″ ა. გ.
ქვეყანა	საქართველო
ტერიტორიული ერთეული	ონის მუნიციპალიტეტი
სიმაღლე	3226 მ
ქედი	შოდა-კედელას ქედი
ამგებელი ქანები	თიხაფიქალი, კარბონატული ქვიშაქვა და მერგელი
სურათები ვიკისაწყობში

ლიტერატურა

• სანებლიძე მ., ენციკლოპედია „საქართველო“, ტ. 1, თბ., 1997. — გვ. 513.