ბრუტია კრისპინა
ბრუტია კრისპინა (დ. 164 — გ. 191) — რომის იმპერატორ კომუდუსის მეუღლე 178-191 წლებში.
| ბრუტია კრისპინა | |
|---|---|
 ბრუტია კრისპინას ბიუსტი | |
| რომის იმპერატრიცა | |
| მმართ. დასაწყისი: | 178 |
| მმართ. დასასრული: | 191 |
| პირადი ცხოვრება | |
| დაბ. თარიღი: | 164 |
| დაბ. ადგილი: | რომი, იატლია |
| გარდ. თარიღი: | 191 |
| მეუღლე: | კომოდუსი |
| დინასტია: | ანტონინუსების დინასტია |
| მამა: | გაიუს ბრუტციუს პრანსესი |
| დედა: | ვალერია |
კრისპინა წარმოშობით არისტოკრატული ოჯახიდან იყო, მისი მამა გაიუს ბრუტიუს პრანსესი და ძმა ლუციუს ბრუტციუს კვინტიუს კრისპინუსი რომის კონსულები იყვნენ. [1] კრისპინას მამის ოჯახს მჭიდრო კავშირში ჰქონდა რომის იმპერატორებთან ტრაიანესთან, ადრიანესთან, ანტონინუს პიუსთან და მარკუს ავრელიუსთან.
კრისპინა 178 წლის ზაფხულში ცოლად გაჰყვა თექვსმეტი წლის კომოდუსს. ქორწინებისთანავე მან მიიღო ავგუსტას ტიტული (მისი ქმარი იმ დროს სიმამრის თანაიმპერატორი იყო). მარკუს ავრელიუსის მეუღლე და მისი დედამთილი, ფაუსტინა უმცროსი გარდაიცვალნენ მის ჩამოსვლამდე სამი წლით ადრე.
როგორც დიდგვაროვანთა ახალგაზრდა წევრების უმეტესობის ქორწინება, ესეც ორგანიზებული იყო პატრების (კრისპინას შემთხვევაში, მამამისისა და მისი ახალი სიმამრის, იმპერატორ მარკუს ავრელიუსის) მიერ. კრისპინა აღწერდნენ როგორც მოხდენილ ადამიანს მგრძნობიარე გულით. [2]
როგორც ავგუსტას, კრისპინას დიდი პატივს სცემდნენ სიმამრის მმართველობის ბოლო ორი წლისა და ქმრის მმართველობის პირველ წლებში. [3] როგორც ჩანს, ქმრის იმპერატორობისას ცოლს მასზე რაიმე მნიშვნელოვანი პოლიტიკური გავლენა არ ჰქონია. თუმცა, იგი სამეფო კარის პოლტიკური საკითხებისგან ჩამოშორებული არ იყო, რადგან მისი მული ლუცილა, ყოფილი იმპერატორის ლუციუს ვერუსის მეუღლე, გავრცელებული ინფორმაციით, შურითა და ამბიციით იყო განწყობილი კრისპინას მიმართ, მისი მდგომარეობისა და ძალაუფლების გამო.[4] წყაროების თანახმად, კრისპინა ორსულად იყო 182 წელს, რაც გახდა ლუცილას მიერ ძმის წინააღმდეგ შეთქმულების მოწყობის ერთ-ერთი გამომწვევი მიზეზი. [5]
კრისპინას ქორწინებიდან შვილი არ შეეძინა,[6] რამაც დინასტიური მემკვიდრეობის კრიზისი გამოიწვია. ათი წლის ქორწინების შემდეგ კრისპინა ქმარმა ტყუილად დაადანაშაულა ღალატში და 188 წელს გადაასახლა კუნძულ კაპრიზე, სადაც მოგვიანებით სიკვდილით დასაჯეს.[7] მისი განდევნის შემდეგ კომოდუსი აღარ დაქორწინებულა, მაგრამ გაიჩინა საყვარელი, ქალი სახელად მარსია, რომელზეც მოგვიანებით ამბობდნენ, რომ მონაწილეობა მიუღია იმპერატორის წინააღმდეგ მოწყობილ შეთქმულებაში.[8]
რესურსები ინტერნეტში რედაქტირება
- Bruttia Crispina, livius.org, 2007. Accessed 2012-5-29.
- Bruttia Crispina (164-183AD) collection of coins. Accessed 2012-5-29.
- Crispina coins, forumancientcoins.com. Accessed 2012-5-29.
- Crispina as Fecunditas holding child, numismatics.org. Accessed 1021-11-29
სქოლიო რედაქტირება
- ↑ Introduction to the Study of Latin Inscriptions.
- ↑ Morgan, Sydney (2010). Woman and Her Master, Volume 2. Cambridge University Press, გვ. 244. ISBN 978-1-108-01934-7.
- ↑ Varner, Eric R. (2004) Monumenta Graeca et Romana. damnatio memoriae and Roman imperial portraiture. Brill, გვ. 152. ISBN 9789004135772.
- ↑ Potter, David S. (2004) The Roman Empire at bay: AD 180-395. Routledge. ISBN 978-0-415-10057-1.
- ↑ Grant, Michael (2016) The Antonines: The Roman Empire in Transition. Routledge. ISBN 978-1-317-97211-2.
- ↑ Ward, Allen M.; Heichelheim, Fritz M.; Yeo, Cedric A. (2003) A History of the Roman people, 4th, Prentice Hall, გვ. 379. ISBN 978-0-13-038480-5.
- ↑ Kean, Roger Michael; Frey, Oliver (2005) The Complete Chronicle of the Emperors of Rome. Thalamus, გვ. 100.
- ↑ Freisenbruch, Annelise (2011) The First Ladies of Rome: The Women Behind the Caesars. Random House, გვ. 6. ISBN 978-1-4464-9906-1.