მახრა

მახრა, ბოსტანა (ლათ. Gryllotalpa gryllotalpa) — მწერი სწორფრთიანების რიგისა. მისი სხეულის სიგრძე 3,5-5 სმ აღწევს. ბინადრობს ნიადაგში. მახრა ნაირჭამია მწერია, აზიანებს თითქმის ყველა მცენარეს, უმეტესად ბოსტან-ბაღჩის კულტურების მიწისქვეშა ნაწილებს. საქართველოში ყველგანაა გავრცელებული. დიდი რაოდენობით გვხვდება სარწყავ ნაკვეთებზე, წყალსატევების ნაპირებზე, სათბურებსა და კვალსათბურებში.

მახრა
მეცნიერული კლასიფიკაცია
სამეფო:  ცხოველები ტიპი:  ფეხსახსრიანები კლასი:  მწერები რიგი:  სწორფრთიანები სახეობა:  მახრა
ლათინური სახელი
Gryllotalpa gryllotalpa
სისტემატიკა ვიკისახეობებში სურათები ვიკისაწყობში ITIS   658897 NCBI   656900 EOL   500186

მის წინააღმდეგ იყენებენ ბრძოლის აგროტექნიკურ და ქიმიურ ღონისძიებებს. აგროტექნიკური ღონისძიებებიდან აღსანიშნავია კვერცხის ბუდეების მოშლა-ამოყრა, საჭერი ორმოების მოწყობა. ქიმიური საშუალებიდან კარგ შედეგს იძლევა თესვა-რგვამდე 10-12 დღით ადრე მოშხამული მისატყუებელი მასალის შეტანა ნიადაგში.

ლიტერატურა

• შავკაციშვილი ლ., ქართული საბჭოთა ენციკლოპედია, ტ. 6, თბ., 1983. — გვ. 521.