ბინძური ომი (არგენტინა)
ბინძური ომი (ესპ. Guerra Sucia en la Argentina) — არგენტინის ისტორიაში სახელწიფოებრივი ტერორიზმის გამოვლინების პერიოდის (მასობრივი გატაცებები, წამება, გაუსამართლებელი დასჯა) ზოგადი სახელწოდება, რომლის პიკსაც წარმოადგენდა 1976-1983 წლებში მიმდინარე ეროვნული რეორგანიზაციის პროცესი.
1976 წლის 24 მარტს გენერალ ხორხე რაფაელ ვიდელას ხელმძღვანელობით მოხდა სახელმწიფო გადატრიალება, რომლის შედეგად დაემხო პრეზიდენტ მარია ესტელა მარტინეს დე პერონის ხელისუფლება. სამხედროების დახმარებით ვიდელამ ხელში ჩაიგდო ძალაუფლება. ქვეყანაში დაიწყო მასობრივი დაპატიმრებები, წამება და მკვლელობები. ხუნტის მმართველობის პერიოდში ფიზიკურად განადგურდა 10 000 ადამიანი, უგზო-უკვლოდ დაიკარგა 30 000 ადამიანი, ხოლო 60 000 ადამიანი პოლიტიკური მოტივებით დააპატიმრეს და აწამეს. ბინძური ომის ძირითად მსხვერპლს წარმოადგენდნენ მემარცხენე აქტივისტები, სტუდენტები, ჟურნალისტები და პერონისტები.
ხუნტა დაიშალა 1983 წელს, მალევე მას შემდეგ რაც არგენტინა დამარცხდა ფოლკლენდის ომში. ხელისუფლების ცვლილების შემდეგ პრეზიდენტმა რაულ ალფონსინმა შექმნა დაკარგული ადამიანების საქმის შემსწავლელი სპეციალური კომისია, რომელსაც სათავეში ჩაუყენა ცნობილი მწერალი ერნესტო საბატო.
2010 წლის 22 დეკემბერს ხორხე ვიდელას (1976–1982 წწ.)[1], ხოლო 2011 წლის 15 აპრილს რეინალდო ბინიონეს (1982–1983 წწ.) მიუსაჯეს სამუდამო პატიმრობა, მას შემდეგ, რაც ისინი დამნაშავედ ცნეს კაცობრიობის წინააღმდეგ ჩადენილი დანაშაულის გამო[2].
რესურსები ინტერნეტში
რედაქტირება
- Proyecto Desaparecidos/Project Disappeared დაარქივებული 2014-05-27 საიტზე Wayback Machine.
- Unearthing Mysteries of Argentina's "Dirty War" – slideshow by CNN
- War Diary of Brigadier-General Acdel Vilas
- 1984 Report of the National Commission on the Disappearance of Persons
- Old Ideas in New Discourses: "The War Against Terrorism" and Collective Memory in Uruguay and Argentina დაარქივებული 2009-03-02 საიტზე Wayback Machine.