ბენ აფლეკი
ბენჯამინ გეზა აფლეკ-ბოლდტი (ინგლ. Ben Affleck; დ. 15 აგვისტო, 1972, ბერკლი, კალიფორნია, აშშ) — ამერიკელი მსახიობი, რეჟისორი, პროდიუსერი და სცენარის ავტორი. თავდაპირველად ყურადღება მიიპყრო შესრულებული როლებით ფილმებში: „უსაქმურები“ (1995), „ემის დევნაში“ (1997), „დოგმა“ (1999). 1997 წელს მეტ დეიმონთან ერთად დაწერა სცენარი ფილმისთვის „ნიჭიერი უილ ჰანტინგი“, რომელმაც მოუტანა მას ოსკარის პრემია ნომინაციაში საუკეთესო ორიგინალური სცენარი და ოქროს გლობუსი ნომინაციაში საუკეთესო სცენარი. მოგვიანებით საერთაშორისო აღიარება მოიპოვა, ითამაშა ცნობილ ფილმებში: „არმაგედონი“ (1998), „პერლ-ჰარბორი“ (2001), „სხვის რიგში“ (2002), „შიშის საფასური“ (2002), „თავქარიანი“ (2003), „სუპერმენის სიკვდილი“ (2006), „დიდი თამაში“ (2009), „ქალაქი“ (2010).
| ბენ აფლეკი | |
|---|---|
 ბენ აფლეკი | |
| დაბადების სახელი | ბენჯამინ გეზა აფლეკ-ბოლდტი |
| დაბადების თარიღი |
15 აგვისტო, 1972 ბერკლი, კალიფორნია, აშშ |
| საქმიანობა |
მსახიობი რეჟისორი პროდიუსერი სცენარისტი |
| აქტიური | 1981-დღემდე |
| მეუღლე(ები) | ჯენიფერ გარნერი (2005-დღემდე) |
| პარტნიორ(ებ)ი |
გვინეთ პელტროუ (1997-2000) |
| ოსკარი |
საუკეთესო ორიგინალური სცენარი |
| ოქროს გლობუსი |
საუკეთესო სცენარი |
| BAFTA |
საუკეთესო ფილმი |
ბენ აფლეკი კინოკრიტიკოსების მხრიდან აღიარებული რეჟისორია. ფილმ „მშვიდობით პატარავ“ გადაღების შემდეგ მოიპოვა აღიარება როგორც რეჟისორმა. იყო ფილმ „არგო“-ს რეჟისორი და პროდიუსერი, რომელმაც მოუტანა მას ოსკარის პრემია ნომინაციაში საუკეთესო სურათი, ოქროს გლობუსი ნომინაციაში საუკეთესო რეჟისორი, BAFTA ნომინაციაში საუკეთესო ფილმი და საუკეთესო რეჟისორი.
კინოინდუსტრიის გარდა ბენ აფლეკი აქტიურად არის ჩართული პოლიტიკასა და საქველმოქმედო საქმიანობაში. 2000 წელს მეტ დეიმონთან ერთად დააარსა საწარმოო კომპანია „LivePlanet“, ხოლო 2012 წელს „Pearl Street Films“.
ბენ აფლეკს ჰყავს უმცროსი ძმა, კეისი აფლეკი, რომელიც აგრეთვე მსახიობია. 2005 წლიდან ქორწინებაში იმყოფება ჯენიფერ გარნერთან. წყვილს სამი შვილი ჰყავს. უფრო ადრე ურთიერთობაში იმყოფებოდა გვინეთ პელტროუსთან და ჯენიფერ ლოპესთან.
ფილმოგრაფია
რედაქტირება  |
მოცემული ფილმოგრაფია არ არის სრული. გთხოვთ დაგვეხმაროთ მის შევსებაში. |
| წელი | ქართულად | მშობლიური სახელწოდება | როლი | |
|---|---|---|---|---|
| 1995 | ფ | უსაქმურები | Mallrats | შენონ ჰამილტონი |
| 1997 | ფ | ემის დევნაში | Chasing Amy | ჰოლდენ მაკნილი |
| 1997 | ფ | ნიჭიერი უილ ჰანტინგი | Good Will Hunting | ჩაკი სალივანი |
| 1998 | ფ | შეყვარებული შექსპირი | Shakespeare in Love | ნედ ალენი |
| 1998 | ფ | არმაგედონი | Armageddon | ეი ჯი ფროსტი |
| 1998 | ფ | ფანტომები | Phantoms | შერიფი ბრიუს ჰამონდი |
| 1999 | ფ | დოგმა | Dogma | ბართლბი |
| 1999 | ფ | 200 სიგარეტი | 200 Cigarettes | ბარტენდერი |
| 2001 | ფ | პერლ-ჰარბორი | Pearl Harbor | კაპიტანი რეიფ მაკ-კოული |
| 2002 | ფ | შიშის საფასური | The Sum of All Fears | ჯეკ რაიანი |
| 2002 | ფ | სხვის რიგში | Changing Lanes | გევინ ბანეკი |
| 2003 | ფ | თავქარიანი | Daredevil | მეტ მერდოკი |
| 2005 | ფ | ელექტრა | Elektra | მეტ მერდოკი |
| 2006 | ფ | სუპერმენის სიკვდილი | Hollywoodland | ჯორჯ რივზი |
| 2009 | ფ | ის უბრალოდ შენში არ არის | He's Just Not That Into You | ნილი |
| 2009 | ფ | დიდი თამაში | State of Play | სტივენ კოლინზი |
| 2010 | ფ | ქალაქი | The Town | დაგ მაკრეი |
| 2012 | ფ | არგო | Argo | ტონი მენდესი |
| 2014 | ფ | დაკარგული გოგონა | Gone Girl | ნიკ დანი |
| 2016 | ფ | ბეტმენი სუპერმენის წინააღმდეგ: სამართლიანობის დასაბამი | Batman v Superman: Dawn of Justice | ბრიუს უეინი |
| 2021 | ფ | უკანასკნელი დუელი | The Last Duel | გრაფი პიერი |
რესურსები ინტერნეტში
რედაქტირება