ბალხაშ-ალაქოლის ქვაბული
ბალხაშ-ალაქოლის ქვაბული (ყაზ. Балқаш-Алакөл ойысы) — დახშული ბრტყელი ქვაბული ყაზახეთში, ზღვის დონიდან 342-600 მ. ქვაბულის დასავლეთ ნაწილში, ბალხაშის ტბაა, აღმოსავლეთში სასიქოლისა და ალაქოლის ტბები. სამხრეთ ნაწილში თაუყუის, სარი-იშიქოთრაუს, მუინყუმის და სხვა ქვიშიანი მასივებია.
ქვაბული წარმოქმნილია ტექტონიკური გაღუნვის შედეგად. ქვაბულის ძირზე ზოგან ქვიშის 30 მ სიმაღლის სერებია.
მცენარეულ საფარში ჭარბობს საქსაული, ჯუზღუნი, ავშანი და სხვ. ძირითადად უდაბნო-სტეპური მურა და მცირეკარბონატული ნაცრისფერი ნიადაგები, მლაშობებია. ნალექები 135-200 მმ წელიწადში.
ლიტერატურა
რედაქტირება- ქართული საბჭოთა ენციკლოპედია, ტ. 2, თბ., 1977. — გვ. 181.