აპუანის ალპები
აპუანის ალპები (იტალ. Alpi Apuane) — ქედი იტალიაში, ჩრდილოეთ ტოსკანაში. წარმოადგენს ტოსკანა-ემილიის აპენინების სამხრეთ-დასავლეთ ნაწილს. გადაჭიმულია ლიგურიის ზღვის სანაპიროს გასწვრივ დაახლოებით 50 კმ-ზე. სიმაღლე 1946 მ-მდე (მთა მონტე-პიზანინო). აგებულია ფიქლებით, დოლომიტებით, კირქვებითა და მარმარილოთი. ფართოდ არის გავრცელებული რელიეფის კარსტული ფორმები, აგრეთვე მარმარილოს კლდეები. ხდება კარარის მარმარილოს გადამუშავება. განვითარებულია სუბტროპიკული ტყეები და ბუჩქნარები. მღვიმეებიდან აღსანიშნავია ანტრო-დელ-კორკია, რომლის შესასვლელი ზღვის დონიდან 1150 მ სიმაღლეზეა. გამომუშავებულია მარმარილოს ზონის სინკლინურ დადაბლებაში, მეზოზოური ასაკის კირქვებსა და თაბაშირ-დოლომიტის დანაპრალიანებულ ქანებში.
| აპუანის ალპები | |
|---|---|
 აპუანის ალპები | |
| კოორდინატები: 44°08′01″ ჩ. გ. 10°12′52″ ა. გ. / 44.13361° ჩ. გ. 10.21444° ა. გ. | |
| ქვეყანა |  იტალია
|
| ტერიტორიული ერთეული | ტოსკანა |
| უმაღლესი წერტილი | მონტე-პიზანინო |
| სიმაღლე | 1946 მ |
| სიგრძე | 50 კმ |
  | |
რესურსები ინტერნეტში
რედაქტირება
შეგიძლიათ იხილოთ მედიაფაილები თემაზე „აპუანის ალპები“ ვიკისაწყობში.- Краткая географическая энциклопедия. Том 1: М., 1960.
