ალექსანდრე სკრინსკი
ალექსანდრე ნიკოლოზის ძე სკრინსკი (რუს. Скринский, Александр Николаевич; დ. 15 იანვარი, 1936) — რუსი ფიზიკოსი. სსრკ მეცნიერებათა აკადემიის აკადემიკოსი (1970). 1959 წელს დაამთავრა მოსკოვის სახელმწიფო უნივერსიტეტი. იმავე წლიდან მუშაობდა სსრკ მეცნიერებათა აკადემიის ციმბირის განყოფილების ბირთვული ფიზიკის ინსტიტუტში. ერთდროულად 1967 წლიდან ნოვოსიბირსკის უნივერსიტეტის პროფესორია. მისი უმთავრესი შრომები ეხება მაღალ ენერგიათა ფიზიკასა და დამუხტული ნაწილაკების ამჩქარებლების ტექნიკას, სხვებთან ერთად დაამუშავა შემხვედრ კონათა მეთოდი (ლენინური პრემია, 1976). დაამუშავა აგრეთვე და ააგო ელექტრონ-ელექტრონული და ელექტრონ-პოზიტრონული შემხვედრი კონების დანადგარები, ჩაატარა მათზე ცდები და სხვ.
დაჯილდოებულია შრომის წითელი დროშის ორდენით, ოქტომბრის რევოლუციის ორდენითა და სხვ. 1989 წელს მიენიჭა სსრკ სახელმწიფო პრემია, 1997 წელს დემიდოვის პრემია, ხოლო 2001 და 2005 წლებში — რუსეთის ფედერაციის სახელმწიფო პრემია.
თხზულება
რედაქტირება- О движении спина частиц в накопителе с произвольным полем, "Доклады АН СССР", 1970, т. 192, № 6 (совм. с др.); Использование синхротронного излучения накопителя ВЭПП-3 для рентгеноструктурных исследований, там же, 1974, т. 218, № 4 (совм. с др.).
რესურსები ინტერნეტში
რედაქტირებალიტერატურა
რედაქტირება- ქართული საბჭოთა ენციკლოპედია, ტ. 9, თბ., 1985. — გვ. 431.
სქოლიო
რედაქტირება- ↑ 1.0 1.1 Скринский Александр Николаевич // Большая советская энциклопедия: [в 30 т.] / под ред. А. М. Прохорова — 3-е изд. — Москва: Советская энциклопедия, 1969.
- ↑ Mathematics Genealogy Project — 1997.
- ↑ https://www.aps.org/programs/honors/prizes/wilson.cfm