ალექსანდრე პიჩუშკინი
ალექსანდრე პიჩუშკინი (ცნობილია აგრეთვე როგორც: ბიცევსკის პარკის მანიაკი; რუს. Пичушкин, Александр Юрьевич; დ. 9 აპრილი, 1974, მიტიში, მოსკოვის ოლქი) — რუსი სერიული მკვლელი. მოკლა 49 ადამიანი, რის გამოც 2007 წლის ოქტომბერში მიესაჯა სამუდამო პატიმრობა.[1] მოქმედების პერიოდი მოიცავდა 14 წელს (1992-2006). დანაშაულს სჩადიოდა მოსკოვის ბიცევსკის პარკში.
| ალექსანდრე პიჩუშკინი | |
|---|---|
| ნამდვილი სახელი | ალექსანდრე პიჩუშკინი |
| დაბ. თარიღი | 1974 |
| დაბ. ადგილი | მიტიში, რუსეთი |
| ეროვნება | რუსი |
| მოქალაქეობა | რუსეთი |
| განაჩენი | სამუდამო პატიმრობა |
| მოტივი | „ტყის გაწმენდა“ |
პიჩუშკინი როდესაც 9 თვისა იყო მამამ მიატოვა. მოგვიანებით დედასთან ერთად იზრდებოდა. ბავშვის აღზრდაში აგრეთვე აქტიურ მონაწილობას იღებდა ბაბუა. 1976 წელს დედა-შვილი მიტიშიდან საცხოვრებლად გადავიდა მოსკოვის მიკრორაიონ ზიუზინოში. პიჩუშკინი არ იყო ჩხუბისთავი, პირიქით, ხასიათდებოდა მორცხვი ხასიათით. უყვარდა ჭადრაკის თამაში. მოგვიანებით, როგორც დედამისი ამბობდა მისი შვილი საქანელიდან ჩამოვარდა, რის გამოც მიიღო ქალა-ტვინის ტრავმა, რის გამოც აღმოჩნდა საავადმყოფოში. ტრავმის შემდეგ პიჩუშკინს უძნელდებოდა გამართვით საუბარი. დედამისმა ბავშვი მიაბარა ლოგოპედიურ ინტერნატს. შემდეგ პიჩუშკინი აბარებს ტექნიკურ სასწავლებელში.
2005-2006 წლებში გავრცელდა ხმები, იმის შესახებ, რომ მოსკოვის სამხრეთ-დასავლეთ ნაწილში, კერძოდ, ბიცევსკის ტყე-პარკში გამოჩნდა სასტიკი მანიაკი, რომელიც ხოცავს ასაკოვან ადამიანებს. 2006 წლის დასაწყისში გაჩნდა პირველი პუბლიკაციები პრესაში.[2] პიჩუშკინს ჩაფიქრებული ჰქონდა 64 ადამიანის მოკლა, რაც (ციფრის თვალსაზრისით) შეესაბამებოდა ჭადრაკის დაფის უჯრედების რაოდენობას.[3][4] მოგვიანებით ეს განცხადება მან უარყო და აღნიშნა, რომ მოუწევს მკვლელობების ჩადენა უსასრულოდ.[5] ყოველი ჩადენილი დანაშაულის შემდეგ იგი ჭადრაკის დაფის უჯრედებზე აკრავდა ნომრებს.
სასამართლო პროცესზე პიჩუშკინმა განაცხადა:[6]
|
„პოლიციის და გამოძიების უსუსურობა აზარტში მაგდებდა. სულ უფრო და უფრო დავინტერესდი, როგორ შეძლებდნენ ჩემს მიერ ჩადენილი დანაშაულების გამოძიებას და ახალი დანაშაულის ჩადენის სურვილი მიმძაფრდებოდა. გაზეთებში ვკითხულობდი ისტორიებს სერიული მკვლელობების შესახებ, ტელევიზიით ვუსმენდი სამართალდამცველებს, რომლებიც ჩემს დანაშაულებზე საუბრობდნენ და მათი უმოქმედობა და უყურადღებობა დანაშაულის სტიმულს მაძლევდა“
|
ალექსანდრე პიჩუშკინმა პირველი მკვლელობა ჩაიდინა 18 წლის აკაკში 1992 წელს. მოკლა თანაკურსელი (დაახრჩო) და სხეული ჭაში ჩააგდო. თავის ბოლო დანაშაული ჩაიდინა 2006 წლის ზაფხულში. მისი დაკავება მოხერხდა მხოლოდ 2006 წლის 15 ივნისს. მიესაჯა სამუდამო პატიმრობა. სასჯელს იხდის მკაცრი რეჟიმის კოლონიაში.
რესურსები ინტერნეტში
რედაქტირება- ალექსანდრე პიჩუშკინი (რუსული)
- ალექსანდრე პიჩუშკინი დაარქივებული 2012-11-02 საიტზე Wayback Machine. (რუსული)
- ალექსანდრე პიჩუშკინი (რუსული)
სქოლიო
რედაქტირება- ↑ 'Chessboard killer' gets life. InTheNews.co.uk (2007-10-29). დაარქივებულია ორიგინალიდან — 2008-12-07. ციტირების თარიღი: 2007-10-29.
- ↑ ბიცევსკის მანიაკი - ქალია?. კომსომოლსკაია პრავდა (2006-04-25). ციტირების თარიღი: 2012-03-27.
- ↑ „Investigators believe 62 murdered by "chessboard killer"“. RIA Novosti. 2007-08-01. დაარქივებულია ორიგინალიდან — 2009-04-28. ციტირების თარიღი: 2009-04-10.
- ↑ „Russian suspected of 62 murders“. BBC News Online. 2007-08-01. ციტირების თარიღი: 2009-04-10.
- ↑ „Russia 'chessboard killer' guilty“. BBC News Online. 2007-10-24. ციტირების თარიღი: 2009-04-10.
- ↑ სერიული მკვლელის დაკავების საიდუმლო — ალექსანდრე პიჩუშკინი[მკვდარი ბმული]