ალესქერ ალექბეროვი

ალესქერ ჰაჯი აღა-ოღლუ ალექბეროვი (დ. 15 თებერვალი, 1910 — გ. 31 იანვარი, 1963) — აზერბაიჯანელი მსახიობი, სსრკ სახალხო არტისტი (1961), სკკპ წევრი 1944 წლიდან.

ალესქერ ალექბეროვი
დაბადების თარიღი	15 თებერვალი, 1910 ბაქო
გარდაცვალების თარიღი	31 იანვარი, 1963 (52 წლის) ბაქო
საქმიანობა	მსახიობი

ბიოგრაფია

სასცენო მოღვაწეობა დაიწყო 1927 წელს ბაქოს მუშათა თეატრში. 1933 წლიდან ბაქოს აზიზბეკოვის სახელობის დრამატულ თეატრის მსახიობი იყო. ასრულებდა უმთავრესად ტრაგიკულ როლებს. გამოირჩეოდა მისი ხანლარი, ვაგიფი (სამედ ვურღუნის „ხანლარი“, „ვაგიფი“), პოლკოვნიკი ჯავანშირი (მ. ჰუსეინის „ჯავანშირი“), ოტელო (უილიამ შექსპირის „ოტელო“) და სხვა, სახასიათო როლებიდან — სალამოვი (ჯაფარ ჯაბარლის „1905 წელი“), პროხორი (მაქსიმ გორკის „ვასა ჟელეზნოვა“) და სხვა. გადაღებულია ფილმებში: „ქენდლილიარი“, „შორეულ ნაპირებზე“ და სხვა. დაჯილდოებულია ლენინის ორდენითა (1949) და 2 შრომის წითელი დროშის ორდენით (1946, 1959).

გარდაიცვალა 1963 წლის 31 იანვარს. დაკრძალულია ბაქოში, საპატიო დაკრძალვის ხეივანში

ლიტერატურა

• ქართული საბჭოთა ენციკლოპედია, ტ. 1, თბ., 1975. — გვ. 290.

რესურსები ინტერნეტში

• შეგიძლიათ იხილოთ მედიაფაილები თემაზე „ალესქერ ალექბეროვი“ ვიკისაწყობში.
• ალესქერ ალექბეროვი კინოფილმების ინტერნეტ-მონაცემთა ბაზაში