აკაკი ბერიშვილი

აკაკი ბერიშვილი
დაბ. თარიღი	6 იანვარი, 1915
დაბ. ადგილი	ძეგლევი, რაჭის მაზრა, ქუთაისის გუბერნია, რუსეთის იმპერია
გარდ. თარიღი	15 ნოემბერი, 1984 (69 წლის)
მოქალაქეობა	სსრკ
სამეცნიერო ხარისხი	არქიტექტურის მეცნიერებათა კანდიდატი
სამეცნიერო წოდება	დოცენტი

აკაკი ბერიშვილი (დ. 6 იანვარი, 1915, სოფ. ძეგლევი, ახლანდ. ონის მუნიციპალიტეტი — გ. 15 ნოემბერი, 1984) — ქართველი არქიტექტორი. არქიტექტურის მეცნიერებათა კანდიდატი (1952), დოცენტი (1954). საქართველოს დამსახურებული არქიტექტორი (1971). საბჭოთა კავშირისა (1953-დან) და საქართველოს არქიტექტორთა კავშირის წევრი.

ბიოგრაფია რედაქტირება

აკაკი ბერიშვილი დაიბადა ახლანდელი ონის მუნიციპალიტეტის სოფელ ძეგლევში. 1941 წელს დაამთავრა საქართველოს ინდუსტრიული ინსტიტუტი. პედაგოგოგიურ მოღვაწეობას ეწეოდა საქართველოს პოლიტექნიკურ ინსტიტუტში, 1970-1972 წლებში იყო ფაკულტეტის დეკანი, 1970-1983 წლებში არქიტექტურული კონსტრუქციების კათედრის გამგე. იყო სამრეწველო ნაგებობათა არქიტექტურის ერთ-ერთი პირველი სპეციალისტი საქართველოში. გარდაიცვალა 1984 წლის 15 ნოემბერს, 69 წლის ასაკში.