ავლევის ნაეკლესიარი

ავლევის ნაეკლესიარი — არქიტექტურული და არქეოლოგიური ძეგლი, ქარელის მუნიციპალიტეტის სოფელ ავლევის აღმოსავლეთით 1,5 კილომეტრზე. შუა ფრონის მარცხენა ნაპირზე, ძველ სასაფლაოზე ნაეკლესიარია და სასაფლაო დაფარულია ხეებითა და ბუჩქნარით. იოანე ნათლისმცემლის ეკლესია ყოფილა დარბაზული, ქვიშაქვის უსწორო კვადრებით ნაგები. შემორჩენილია სამხრეთის შესასვლელის წირთხლის, ნახევარწრიული აფსიდის, გლუვი უპილასტრო გრძივი კედლების ნაშთები.

ლიტერატურა

• დვალი, თ., საქართველოს ისტორიისა და კულტურის ძეგლთა აღწერილობა, ტ. 5, თბ., 1990. — გვ. 354.