ადამ ვაჩნაძე

ადამ ვაჩნაძე, ბებურიშვილი, — თავადი, XVIII-XIX საუკუნეების ქართველი პოლიტიკური მოღვაწე.

1799-1804 წლებში მხარს უჭერდა გიორგი XII-ისა და რუსეთის ჰეგემონიის წინააღმდეგ მებრძოლ ალექსანდრე ბატონიშვილს; ახლდა მას ირანში. 1804 წლის 29 ივნისს ყაზახის აღალარ ნაგი-ბეგთან ერთად თავს დაესხა ბორჩალოს მემამულე ქანანოვს და მერე ყაზახს წავიდა. იმავე წელს წელს ალექსანდრე ბატონიშვილს საქართველოში გამოექცა და რუსეთის იმპერიის სამსახურში ჩადგა. მიიღო პრაპორშჩიკობა. 1804-1806 წლებში გენერალ ციციანოვის მიერ შურაგელის მოურავად იყო დანიშნული. 1812 წელის კახეთის აჯანყების ჩახშობაში მონაწილეობისთვის დაენიშნა პენსია.

ლიტერატურა

ბერძნიშვილი მაქს., მასალები XIX ს. პირველი ნახევრის ქართული საზოგადოებრიობის ისტორიისათვის, II, თბ., 1983. — გვ. 19.