Songs of Experience — ირლანდიური როკ-ჯგუფ U2-ს მეთოთხმეტე სტუდიური ალბომი, რომელიც გამოვიდა 2017 წლის 1 დეკემბერს. მისი პროდიუსერები არიან ჯეკნაიფ ლი, რაიან ტედერი, სტივ ლილიუაიტი, ენდი ბარლოუ და ჯოლიონ თომასი. იგი არის ალბომ Songs of Innocence-ის გაგრძელება. განსხვავებით აღნიშნული დისკისგან, რომელიც კოლექტივის ახალგაზრდობას ეძღვნებოდა, Songs of Experience თემატურად არის ვოკალისტ ბონოს მიერ დაწერილი წერილების კოლექცია. პირადული ხასიათის ამ ტექსტებში ასახულია „ბრძოლა მოკვდავობასთან“, რომელიც ბონომ გადაიტანა დისკზე მუშაობისას.[2]
Songs of Experience ბონომ პირველად აღნიშნა 2014 წელს Songs of Innocence-ის გამოსვლის დღეს. სიმღერებზე მუშაობა მან დაიწყო იმავე წლის ნოემბერში, როდესაც ველოსიპედით ავარიაში მოხვდა. ტურნეს Innocence + Experience Tour პერიოდში U2 ალბომს პორტატულ სტუდიაში იწერდა. სესიები განაგრძეს 2016 წელს, წლის ბოლოსთვის კი მასალაზე მუშაობა თითქმის დასრულდა. დაგეგმილი იყო Songs of Experience-ის მეოთხე კვარტალში გამოშვება, თუმცა გაერთიანებული სამეფოს ევროკავშირიდან გასვლის და აშშ-ის 2016 წლის საპრეზიდენტო არჩევნების ფონზე დასრულება კვლავ გადაიდო. ალბომის საერთო განწყობას მიენიჭა განსხვავებული ხასიათი. ბონომ ტექსტების ნაწილი უფრო პოლიტიზებული სახით გადაამუშავა. ვინაიდან დრო რჩებოდა, ჯგუფმა სიმღერები საკონცერტო და სტუდიური ჟღერადობისთვის მოამზადა. იგი დამატებით სხვადასხვა პროდიუსერულ მიდგომას და ხმის მიქსს იყენებდა.
2017 წლის 6 სექტემბერს გამოვიდა ალბომის პირველი სინგლი, „You're the Best Thing About Me“.
Songs of Experience კრიტიკოსებმა ძირითადად დადებითად შეაფასეს. Metacritic-ზე, რომელიც ქულებს ანიჭებს 100-ის ფარგლებში, მეინსტრიმული კრიტიკოსების მიმოხილვების მიხედვით, ალბომს აქვს 77 ქულა 4 მიმოხილვაზე დაყრდნობით.
|
|
| 1. | „Love Is All We Have Left“ | 2:41 |
| 2. | „Lights of Home“ | 4:16 |
| 3. | „You're the Best Thing About Me“ | 3:45 |
| 4. | „Get Out of Your Own Way“ | 3:58 |
| 5. | „American Soul“ | 4:21 |
| 6. | „Summer of Love“ | 3:24 |
| 7. | „Red Flag Day“ | 3:19 |
| 8. | „The Showman (Little More Better)“ | 3:23 |
| 9. | „The Little Things That Give You Away“ | 4:55 |
| 10. | „Landlady“ | 4:01 |
| 11. | „The Blackout“ | 4:45 |
| 12. | „Love Is Bigger Than Anything in Its Way“ | 4:00 |
| 13. | „13 (There Is a Light)“ | 4:19 |
| საერთო ხანგრძლივობა: | 51:07 |
|
|
| 14. | „Ordinary Love“ (Extraordinary Mix) | 3:47 |
| 15. | „Book of Your Heart“ | 3:55 |
| 16. | „Lights of Home“ (St Peter's String Version) | 4:33 |
| საერთო ხანგრძლივობა: | 63:22 |
|
|
| 17. | „You're the Best Thing About Me“ (U2 და Kygo) | 4:16 |
| საერთო ხანგრძლივობა: | 67:38 |
|
|
| 18. | „The Blackout“ (ჯეკნაიფ ლის რემიქსი) | 7:18 |
| საერთო ხანგრძლივობა: | 74:57 |
[4]