Non, je ne regrette rien

„Non, je ne regrette rien“ (ფრანგ. „არა, მე არაფერს ვნანობ“) — ფრანგული სიმღერა, დაწერილი 1956 წელს, რომელმაც უდიდესი პოპულარობა ედიტ პიაფის შესრულებით მოიპოვა (1960 წლის 10 ნოემბრის ჩანაწერით). სიმღერის კომპოზიტორია შარლ დიუმონი. სიტყვები, რომლებშიც პიაფის წარსულზეა მინიშნება, მიშელ ბოკერის დაწერილია. სიმღერა პიაფმა საფრანგეთის უცხოეთის ლეგიონს მიუძღვნა.

პიაფის გარდა სიმღერა სხვადასხვა დროს შეასრულეს: მირეი მატიემ, ელიაჯ პეიჯმა, ტინა არენამ, იზაბელ ბოლეიმ, პატრისია კაასმა, დალიდამ (იტალიურად) და თამარ გვერდწითელმა (ფრანგულად და რუსულად).