Nick Mason's Fictitious Sports

Nick Mason's Fictitious Sports — ინგლისელი რამერ ნიკ მეისონის პირველი სოლო ალბომი, რომელიც გამოვიდა აშშ და ბრიტანეთში 1981 წლის 3 მაისს. ალბომი უშუალოდ დაფუძნებულია კარლა ბლეის მუსიკაზე, რომლის ფონზეც მღერის რობერტ უაიეტი, რის გამოც ალბომი ხშირად ბლეის ჩანაწერად ითვლება.

Fictitious Sports
სტუდიური ალბომი — ნიკ მეისონი
გამოცემის თარიღი	3 მაისი 1981
ჩაიწერა	ოქტომბერი 1979, სტუდია Grog Kill, უილოუ, ნიუ-იორკი, მაიკლ მანტლერის მიერ, ნიკ მეისონის თანაშემწეობით; მიქსი - დეკემბერი 1979 და მაისი 1980, Village Recorders და Producer's Workshop, ლოს-ანჯელესი, ჯეიმზ გათრის თანაშემწეობით
ჟანრი	ჯაზ-როკი, პროგრესული როკი
ხანგრძლივობა	36:15
ლეიბლი	Harvest Records (ბრიტანეთი), Columbia Records (აშშ)
პროდიუსერი	ნიკ მეისონი, კარლა ბლეი
ნიკ მეისონი — ქრონოლოგია
Fictitious Sports (1981) Profiles (1985)

პროფესიონალური რეიტინგები

მიმოხილვების ქულები
წყარო	რეიტინგი
Allmusic
Tentative Reviews

დისკი ჩაიწერა 1979 წელს, სტუდიაში Grog Kill (ნიუ-იორკი, აშშ), 1979 წლის ოქტომბერში. მისი გამოცემა გადაიდო ორი წლით. ალბომის ტექსტებში არის ბევრი იუმორი, ირონია და სატირა. „Boo to You Too“, მაგალითად, სიმღერაა ჯგუფზე, რომელიც მაყურებელმა არ მიიღო და გაჩუმება მოითხოვა.

ვინაიდან იმ პერიოდში პინკ ფლოიდის ნებისმიერი წევრის სოლო-პროექტი ლეიბლისგან გარანტირებულ წინასწარ ფულად თანხას ნიშნავდა, მეისონის სახელით ჩანაწერის გამოცემა კომერციულ წარმატებას ნიშნავდა, თუმცა დისკს პოპულარობა არ ჰქონია. 1981 წელს გამოცემის შემდეგ შტატების ჩარტში იგი მხოლოდ 170-ე პოზიციაზე მოხვდა. პრომოს სახით ფირფიტას ახლდა სინგლი „Hot River/Can't Get My Motor To Start“, რომელიც ფართო გაყიდვაში არ გამოსულა.

ალბომის გარეკანი ეკუთვნის სტორმ თორგერსონის დიზაინ ჯგუფ Hipgnosis-ს. მასზე გამოსახულია გამოგონილი სპორტული მოედანი (ხედი ზევიდან). ალბომის შიდა კონვერტზე წარმოდგენილია სიმღერების ტექსტები და ფოტოსურათები. ტექსტები დაწერილია ნიკ მეისონის ხელით, ისევე როგორც ალბომზე Animals.

სიმღერების სია

ყველა სიმღერის ავტორი - კარლა ბლეი

მხარე 1

1. Can't Get My Motor to Start – 3:39
2. I Was Wrong – 4:12
3. Siam – 4:48
4. Hot River – 5:16

მხარე 2

1. Boo To You Too – 3:26
2. Do Ya? – 4:36
3. Wervin' – 3:58
4. I'm a Mineralist – 6:16

პერსონალი

• ნიკ მეისონი – დასარტყმელი საკრავები, პერკუსია, პროდიუსერი, ხმის ინჟინერი
• კარლა ბლეი – კლავიშები, სიმღერების ავტორი, ტექსტების ავტორი, თანაპროდიუსერი
• კრის სპედინგი – გიტარა
• სტივ სუოლოუ – ბას-გიტარა
• მაიკლ მანტლერი – საყვირი, ხმის ინჟინერი
• რობერტ უაიეტი – ვოკალი
• კერენ კრაფტი – ვოკალი („Can't Get My Motor To Start“)
• გერი უინდუ – კლარნეტი, ფლეიტა, ვოკალი
• გერი ვალენტი – ტრომბონი, ვოკალი
• ჰოვარდ ჯონსონი – ტუბა
• ტერი ადამსი – ფორტეპიანო („Boo To You Too“), ჰარმონიკა („Can't Get My Motor To Start“)
• კარლოს უორდი – ვოკალი
• დ. შარპი – ვოკალი
• ვინსენტ ჩენსი – ვოკალი
• ერლ მაკინტაირი – ვოკალი

ტექნიკური პერსონალი

• ჯეიმზ გათრი – ხმის ინჟინერი
• Hipgnosis – გარეკანის დიზაინი